Texts

Select a text:
Bibliography

Select a chapter:
(no revisions)

Associated topic(s): agniṣṭoma, somakraya, -vikraya, buying Soma

Show parallels Show headlines
Use dependency labeler

Chapter id: 16582

Click on a sentence to show its analysis
Keep the mouse pointer over a lemma to show its meanings.

deva sūrya somaṃ kreṣyāmas taṃ te prabrūmas taṃ tvaṃ viśvebhyo devebhyaḥ kratūn kalpaya dakṣiṇāḥ kalpaya yathartu yathādevatam ity ādityam upasthāya somavikrayiṇe rājānaṃ pradāya paṇate // (1.1) Par.?

somavikrayin krayyas te somā iti // (2.1) Par.?

krayya itītaraḥ pratyāha // (3.1) Par.?

somaṃ te krīṇāmy ūrjasvantaṃ payasvantam ity uktvā kalayā te krīṇānīty enam āha // (4.1) Par.?

bhūyo vā ataḥ somo rājārhatīti sarveṣu paṇaneṣu somavikrayī pratyāhā saṃpadaḥ // (5.1) Par.?

kuṣṭhayā te krīṇānīti dvitīyam / (6.1) Par.?

śaphena te krīṇānīti tṛtīyam / (6.2) Par.?

padā te krīṇānīti caturtham // (6.3) Par.?

evaṃ triḥ // (7.1) Par.?

ekaikaśo vā tristriḥ // (8.1) Par.?

gavā te krīṇānīty antataḥ // (9.1) Par.?

api vā na gaveti brūyāt / (10.1) Par.?

eṣeti nirdiśya japati tasyā ātmā tasyā rūpaṃ tasyāḥ prajā tasyāḥ payas tasyā bandhur iti // (10.2) Par.?

śukraṃ te śukreṇa krīṇāmīti japitvā hiraṇyena krīṇāti // (11.1) Par.?

tapasas tanūr asīti japitvājayā krīṇāti // (12.1) Par.?

avaśiṣṭānām ekaikena // (13.1) Par.?

yad ṛṣabheṇa krīṇīyāt prajāpatinā krīṇīyāt / (14.1) Par.?

tatsthāne vatsataraḥ sāṇḍaḥ // (14.2) Par.?

mithunābhyām iti vatsataro vatsatarī ca // (15.1) Par.?

tābhyāṃ yugapat krītvā vāsasāntataḥ sampādayati // (16.1) Par.?

Duration=0.066306114196777 secs.