Texts

yāvān yajñe raso bhavati tenāta eva prācīnaṃ pracaranti / (1.1) Par.?

athaitad yātayāmaṃ pariśiṣyate ṛjīṣaṃ tan nāmāha / (1.2) Par.?

na tasmai yad vṛdhaivāpāsyeyur no tasmai yad agnāv anuprahareyus tenāpa evābhyavayanti // (1.3) Par.?

āpo vai sarvasya śāntiḥ pratiṣṭhā // (2.1) Par.?

pāpmānaṃ haiṣa hanti yo yajate / (3.1) Par.?

tam imaṃ pāpmānaṃ hatam apo harāṇīti // (3.2) Par.?

tenāntareṇa pratipadyante cātvālaṃ cotkaraṃ ca // (4.1) Par.?

etad vai devānāṃ tīrtham // (5.1) Par.?

tad etad ṛṣir āpnānaṃ tīrthaṃ ka iha pravocad yena devāḥ pathā pra pibante sutasyeti // (6.1) Par.?

etad vai devānāṃ tīrtham / (7.1) Par.?

atīrthaṃ hy eva yajñasyāto 'nyat // (7.2) Par.?

tasmād etenaiva prasṛte prapadyeta / (8.1) Par.?

etena niṣkrāmet // (8.2) Par.?

tān pracyutān devayajanād aprāptān apa etasminn avakāśe rakṣāṃsy ajighāṃsan / (9.1) Par.?

sa etad agnī rakṣohā sāmāpaśyat / (9.2) Par.?

tāny etenāpāhata / (9.3) Par.?

tāny amurhy apahatāni santīti devā akurvan / (9.4) Par.?

ity eva rakṣāṃsy apasedhati // (9.5) Par.?

tasyāhāvo 'hāva iti stobhānt stobhayati / (10.1) Par.?

ahāvo 'stv ahāvo 'stv ity evaitad rakṣāṃsy apasedhati // (10.2) Par.?

agniṣ ṭapati pratidahatīty āha / (11.1) Par.?

rakṣāṃsy eva pratidahati // (11.2) Par.?

pādāya pādāya stobhā anuvartante rakṣasām apahatyai // (12.1) Par.?

viśvaṃ sam atriṇaṃ daha viśvaṃ sam atriṇaṃ dahety atriṇo vai rakṣāṃsi pāpmāno 'triṇo 'triṇa evaitad rakṣāṃsi pāpmānam apasedhati // (13.1) Par.?

tasya trir nidhanam āhuḥ // (14.1) Par.?

iyaṃ vai suhataṃ ghnanti na sa punar udriṅkte yathāha punaḥ punar ādāya suhataṃ hanyāt tādṛg etat // (15.1) Par.?

tad vā aticchandaḥsu bhavati // (16.1) Par.?

vāraṇam iva vā etac chando yad aticchandā vāraṇānīva rakṣāṃsy araṇyāyatanāni / (17.1) Par.?

tad yathā svam araṇyam abhayenātikrāmet tādṛg etat // (17.2) Par.?

tad vai saptapadāsu bhavati // (18.1) Par.?

sapta vai chandāṃsi caturuttarāṇi tad yathā sarvaiḥ chandobhir abhayenātikrāmet tādṛg etat // (19.1) Par.?

tasya trir vacana ekaviṃśatiḥ padāni triḥ sāmāha tac caturviṃśatiḥ // (20.1) Par.?

caturviṃśatir ardhamāsāḥ saṃvatsaraḥ / (21.1) Par.?

saṃvatsaraḥ sāma // (21.2) Par.?

tasya ha vā etasya saṃvatsarasya sāmno 'horātrāṇi hiṃkāro 'rdhamāsāḥ prastāvo māsā ādir ṛtava udgīthaḥ paurṇamāsyaḥ pratihāro 'ṣṭakā upadravo 'māvāsyā nidhanam // (22.1) Par.?

tasya ha vā etasya saṃvatsarasya sāmno vasanto hiṃkāro grīṣmaḥ prastāvo varṣā udgīthaḥ śarat pratihāro hemanto nidhanam // (23.1) Par.?

tasmāddhemantaṃ prajā nidhanakṛtā ivāsate nidhanarūpam evaitarhi // (24.1) Par.?

tad āhuḥ kāṃ diśam avabhṛtham abhyaveyur iti // (25.1) Par.?

prāñco 'bhyaveyur devānāṃ vā eṣā dig yat prācī / (26.1) Par.?

yā devānāṃ dik tāṃ no 'nu yajñaḥ saṃtiṣṭhātā iti // (26.2) Par.?

dakṣiṇābhyaveyuḥ pāpmānaṃ haiṣa hanti yo yajate tam imaṃ pāpmānaṃ hataṃ dakṣiṇā harāṇīti pitṝṇāṃ vā eṣā dig yad dakṣiṇā / (27.1) Par.?

yā pitṝṇāṃ dik tāṃ no 'nu yajñaḥ saṃtiṣṭhātā iti // (27.2) Par.?

pratyañco 'bhyaveyur manuṣyāṇāṃ vā eṣā dik yat pratīcī / (28.1) Par.?

yā manuṣyāṇāṃ dik tāṃ no 'nu yajñaḥ saṃtiṣṭhātā iti // (28.2) Par.?

udañco 'bhyaveyur nakṣatrāṇāṃ vā eṣā dig yad udīcī / (29.1) Par.?

yā nakṣatrāṇāṃ dik tāṃ no 'nu yajñaḥ saṃtiṣṭhātā iti // (29.2) Par.?

ato vāva yatamathaiva katamathā cāpaḥ syuḥ tad abhyaveyuḥ // (30.1) Par.?

yad vai vidvān karma karoty asmād idam iti vasīyān eva tena bhavati // (31.1) Par.?

tad āhuḥ sravantīṣv abhyaveyū3 sthāvarāsū3 iti // (32.1) Par.?

sravantīṣv abhyaveyuḥ / (33.1) Par.?

pāpmānaṃ haiṣa hanti yo yajate tam imaṃ pāpmānaṃ hatam apaḥ pravahatām iti // (33.2) Par.?

sthāvarā yāḥ śīpalyās tāsv abhyaveyuḥ / (34.1) Par.?

ito mā yajño vikṣubdhaḥ pratyupatiṣṭhātā iti // (34.2) Par.?

ato vāva yatarathaiva katarathā cāpaḥ syus tad abhyaveyuḥ // (35.1) Par.?

yad vai vidvān karma karoty asmād idam iti vasīyān eva tena bhavati // (36.1) Par.?