Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma, hole for the yūpa, sacrificial post, yūpa, uparava

Show parallels Show headlines
Use dependency labeler

Chapter id: 16631

Click on a sentence to show its analysis
Keep the mouse pointer over a lemma to show its meanings.

devasya tvā savituḥ prasave 'śvinor bāhubhyāṃ pūṣṇo hastābhyām ādada iti // (1) Par.?

ādāyābhimantrayate 'bhrir asi nārir asīti // (2) Par.?

tayaudumbaryā avaṭaṃ parilikhati parilikhitaṃ rakṣaḥ parilikhitā arātaya idam ahaṃ rakṣaso grīvā apikṛntāmi yo 'smān dveṣṭi yaṃ ca vayaṃ dviṣma idam asya grīvā apikṛntāmīti // (3) Par.?

athodgātāram āhodgātar ehīmam audumbaryā avaṭaṃ khana prāk purīṣam udvapatād iti // (4) Par.?

taṃ sa khanati vā khānayati vā // (5) Par.?

so 'ta eva sado vimimīte // (6) Par.?

yathā trīṇi chadīṃṣi tiryañcy evaṃ prākśaḥ // (7) Par.?

yathā trīṇi chadīṃṣy anvañcy evam udakśaḥ // (8) Par.?

api vā yathā dvau bhāgāv udak spandyāyai syātām eko dakṣiṇata iti // (9) Par.?

tasya triśreṇigartān khānayati // (10) Par.?

so 'ta eva prāṅ drutvā dakṣiṇasya havirdhānasya puro 'kṣam uparavān vimimīte prādeśamukhān prādeśāntaspādān // (11) Par.?

athonnetāram āhonnetar ehīmān uparavān khana prādeśamukhān prādeśāntaspādān bāhumātrān avāco 'saṃbhindann upariṣṭād adhastāt saṃtṛṇṇān iti // (12) Par.?

tān sa khanati vā khānayati vā // (13) Par.?

athaiṣāṃ purīṣaṃ dakṣiṇasya havirdhānasyāgreṇopastambhanaṃ nivapati // (14) Par.?

taṃ caturaśraṃ kharaṃ karoti // (15) Par.?

athainaṃ sikatābhir ābhrāśinaṃ karoti // (16) Par.?

athoparavāṇāṃ kālād abhrim ādatte devasya tvā savituḥ prasave 'śvinor bāhubhyāṃ pūṣṇo hastābhyām ādada iti // (17) Par.?

ādāyābhimantrayate 'bhrir asi nārir asīti // (18) Par.?

tayā yūpāvaṭaṃ parilikhati yathāntarvedy ardhaṃ syād bahirvedy ardhaṃ parilikhitaṃ rakṣaḥ parilikhitā arātaya idam ahaṃ rakṣaso grīvā apikṛntāmi yo 'smān dveṣṭi yaṃ ca vayaṃ dviṣma idam asya grīvā apikṛntāmīti // (19) Par.?

athāgnīdhram āhāgnīd ehīmaṃ yūpāvaṭaṃ khanoparasaṃmitaṃ prāk purīṣam udvapatāc caturaṅgulenoparam atikhanatād iti // (20) Par.?

taṃ sa khanati vā khānayati vā // (21) Par.?

yāvad evātrādhvaryuś ceṣṭati tāvad eṣa pratiprasthātaudumbarīṃ sthūṇāṃ yajamānena saṃmāyādhastāt parivāsayaty acchinno rāyaḥ suvīra iti // (22) Par.?

athādhvaryuḥ pradakṣiṇam āvṛtya pratyaṅṅ ādrutya yācati yavamatīḥ prokṣaṇīr barhirhastam ājyasthālīṃ sasruvāṃ maitrāvaruṇadaṇḍaṃ hiraṇyam udapātram iti // (23) Par.?

etat samādāyāhaihi yajamāneti // (24) Par.?

audumbary eṣā sthūṇā prakṣālitā prapannā prāg avaṭād upaśete // (25) Par.?

tāṃ parastād arvācīṃ prokṣati // (26) Par.?

Duration=0.1107919216156 secs.