Texts

yāvad evātrādhvaryuś ceṣṭati tāvad eṣa pratiprasthātā rājany evāṃśūnāṃ dvau dvāv apisṛjati yat te somādābhyaṃ nāma jāgṛvi tasmai te soma somāya svāheti yat te soma yat te someti // (1) Par.?

athābhiṣoṣyantaḥ sarvaśa eva rājānaṃ paryupaviśanti // (2) Par.?

paścāt prāṅmukho 'dhvaryur upaviśati // (3) Par.?

tasya dakṣiṇaṃ bāhum anu yajamānaḥ // (4) Par.?

dakṣiṇataḥ pratiprasthātā // (5) Par.?

uttarata āgnīdhraḥ // (6) Par.?

antareṇa pratiprasthātāraṃ cāgnīdhraṃ ca yaś caturtho 'bhiṣuṇoti // (7) Par.?

athonnetāram āhāharopasṛjeti // (8) Par.?

upasṛjaty unnetādhavanīyād udacanena // (9) Par.?

uparyardhe hotṛcamase 'ṃśūn pariplāvayanti prāg apāg udag adharāk tās tvā diśa ādhāvantv amba niṣvareti // (10) Par.?

eṣa nigrābhaḥ // (11) Par.?

āpyāyayanti // (12) Par.?

vyapohante // (13) Par.?

abhiṣuṇvanti // (14) Par.?

nigrābham upayanti // (15) Par.?

āpyāyayanti // (16) Par.?

vyapohante // (17) Par.?

abhiṣuṇvanti // (18) Par.?

nigrābham upayanti // (19) Par.?

āpyāyayanti // (20) Par.?

vyapohante // (21) Par.?

abhiṣuṇvanti // (22) Par.?

na caturthe nigrābham upayanti // (23) Par.?

athainaṃ susaṃbhṛtaṃ saṃbharaṇyāṃ saṃbhṛtyonnetra utprayacchati // (24) Par.?

tam unnetādhavanīye 'vanayati // (25) Par.?

evam eva dvitīyaḥ paryāyaḥ saṃtiṣṭhate // (26) Par.?

evaṃ tṛtīyaḥ // (27) Par.?

ṛjīṣamantato daśāpavitreṇa pariveṣṭyonnetra utprayacchati // (28) Par.?

tad unnetādhavanīye vikṣālya prapīḍya dakṣiṇasya havirdhānasyāntareṇeṣe upāvahṛtya carmaṇi nidadhāti // (29) Par.?

tasmin saṃmukhān grāvṇaḥ kṛtvā caturdhaitad ṛjīṣaṃ grāvamukhebhyo vyapohati // (30) Par.?

athodgātā vā prastotā vā dakṣiṇasya havirdhānasya paścād akṣam upasṛpya prāñcaṃ grāvasu droṇakalaśam adhyūhati // (31) Par.?

tasminn udīcīnadaśaṃ daśāpavitraṃ vitanvanti // (32) Par.?

tena tathā kṛtenādityasyodayam ākāṅkṣante // (33) Par.?

udita āditye 'ntaryāmaṃ gṛhṇāty atipavamānasya rājña upayāmagṛhīto 'sy antar yaccha maghavan pāhi somam uruṣya rāyaḥ sam iṣo yajasvāntas te dadhāmi dyāvāpṛthivī antar urv antarikṣaṃ sajoṣā devair avaraiḥ paraiś cāntaryāme maghavan mādayasveti // (34) Par.?

svāṃkṛto 'sīti graham apayacchati // (35) Par.?

athainam avekṣate madhumatīr na iṣas kṛdhīti // (36) Par.?

athainam ūrdhvam unmārṣṭi viśvebhyas tvendriyebhyo divyebhyaḥ pārthivebhya iti // (37) Par.?

athainam ādāyopottiṣṭhati manas tvāṣṭv iti // (38) Par.?

aity urv antarikṣam anvihīti // (39) Par.?

etyāhavanīye juhoty anvārabdhe yajamāne svāhā tvā subhavaḥ sūryāya svāheti // (40) Par.?

hutvānvapāniti // (41) Par.?

vācayati dhūr asi śreṣṭho raśmīnām apānapā apānaṃ me pāhīti // (42) Par.?

athainam ūrdhvam unmṛjya prācottānena pāṇinā madhyame paridhāv unmārṣṭi devebhyas tvā marīcipebhya iti // (43) Par.?

atha pradakṣiṇam āvṛtyāgrayaṇasthālyāṃ grahasya saṃsrāvam avanayaty eṣa te yonir iti // (44) Par.?

athainam uttarata upāṃśusavanena saṃspṛṣṭaṃ sādayaty apānāya tveti // (45) Par.?

vyānāya tvety upāṃśusavanaṃ pratyabhimṛśate // (46) Par.?

athonnetāram āhāpramattaḥ saṃtatam ānayopāṃśu grahān grahīṣyāmīti // (47) Par.?

athādatta aindravāyavapātram // (48) Par.?

tad etad rāsnāvat parigrīvi bhavati // (49) Par.?

tena gṛhṇāty atipavamānasya rājña ā vāyo bhūṣa śucipā ity anudrutyopayāmagṛhīto 'si vāyave tvā juṣṭaṃ gṛhṇāmīti // (50) Par.?

athainam apayatya punar evopayacchatīndravāyū ime sutā ity anudrutyopayāmagṛhīto 'sīndravāyubhyāṃ tvā juṣṭaṃ gṛhṇāmīti // (51) Par.?

parimṛjya sādayaty eṣa te yoniḥ sajoṣābhyāṃ tveti // (52) Par.?

athādatte maitrāvaruṇapātram // (53) Par.?

tad etat pilakāvad bhavati // (54) Par.?

tena gṛhṇāty atipavamānasya rājño 'yaṃ vāṃ mitrāvaruṇety anudrutyopayāmagṛhīto 'si mitrāvaruṇābhyāṃ tvā juṣṭaṃ gṛhṇāmīti // (55) Par.?

barhiṣī antardhāya payasā śrīṇāti // (56) Par.?

apoddhṛtya barhiṣī daśāpavitreṇa parimṛjya sādayaty eṣa te yonir ṛtāyubhyāṃ tveti // (57) Par.?

athopātītyāśvinapātraṃ śukrapātram ādatte // (58) Par.?

tad etad bailvaṃ vā pālāśaṃ vā ślakṣṇaṃ bhavati // (59) Par.?

tena gṛhṇāty atipavamānasya rājño 'yaṃ venaś codayad ity anudrutyopayāmagṛhīto 'si śaṇḍāya tvā juṣṭaṃ gṛhṇāmīti // (60) Par.?

parimṛjya sādayaty eṣa te yonir vīratāṃ pāhīti // (61) Par.?

athādatte manthipātram // (62) Par.?

tad etad vaikaṅkataṃ ślakṣṇaṃ bhavati // (63) Par.?

tena gṛhṇāty atipavamānasya rājñas taṃ pratnathety anudrutyopayāmagṛhīto 'si markāya tvā juṣṭaṃ gṛhṇāmīti // (64) Par.?

barhiṣī antardhāya saktubhiḥ śrīṇāti // (65) Par.?

apoddhṛtya barhiṣī daśāpavitreṇa parimṛjya sādayaty eṣa te yoniḥ prajāḥ pāhīti // (66) Par.?

athādatta āgrayaṇasthālīm // (67) Par.?

tayā gṛhṇāty atipavamānasya rājño ye devā divy ekādaśa sthety anudrutyopayāmagṛhīto 'si viśvebhyas tvā devebhyo juṣṭaṃ gṛhṇāmīti // (68) Par.?

athaināṃ trir abhihiṅkaroti // (69) Par.?