Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16690

Click on a sentence to show its analysis
Keep the mouse pointer over a lemma to show its meanings.

athādhvaryū raśanāhasto yūpam abhyaiti // (1) Par.?

udūhya pūrvāṃ raśanāṃ nābhidaghne parivyayann āha parivīyamāṇāyānubrūhīti // (2) Par.?

svarvantaṃ yūpam utsṛjyāgneyaṃ paśum upākaroti // (3) Par.?

samānaṃ karmā pravarāt // (4) Par.?

prasiddhaṃ hotāraṃ vṛṇīte // (5) Par.?

athāśrāvayaty o śrāvayāstu śrauṣaḍ aśvinādhvaryū ādhvaryavād ity ahaṃ cāsau ca mānuṣāv iti // (6) Par.?

pratiprasthātur nāma gṛhṇāti // (7) Par.?

athāśrāvayaty o śrāvayāstu śrauṣaṇ mitrāvaruṇau praśāstārau praśāstrād ity asau mānuṣa iti // (8) Par.?

maitrāvaruṇasya nāma gṛhṇāti // (9) Par.?

athāśrāvayaty o śrāvayāstu śrauṣaḍ indro brahmā brāhmaṇād ity asau mānuṣa iti // (10) Par.?

brāhmaṇācchaṃsino nāma gṛhṇāti // (11) Par.?

athāśrāvayaty o śrāvayāstu śrauṣaṇ marutaḥ potrād ity asau mānuṣa iti // (12) Par.?

potur nāma gṛhṇāti // (13) Par.?

athāśrāvayaty o śrāvayāstu śrauṣaḍ gnāvo neṣṭrād ity asau mānuṣa iti // (14) Par.?

neṣṭur nāma gṛhṇāti // (15) Par.?

athāśrāvayaty o śrāvayāstu śrauṣaḍ agnim āgnīdhrād ity asau mānuṣa iti // (16) Par.?

agnīdho nāma gṛhṇāti // (17) Par.?

teṣāṃ pravṛtaḥ pravṛta eva pravṛtāhutīr juhoti // (18) Par.?

juṣṭo vāco bhūyāsam ṛcā stomaṃ samardhaya sūryo mā devo devebhyaḥ pātv ity etābhir adhvaryū juhutaḥ // (19) Par.?

yathāvedam itare juhvati // (20) Par.?

athāśrāvayaty o śrāvayāstu śrauṣaḍ agnir ha daivīnāṃ viśāṃ puraetāyaṃ sunvan yajamāno manuṣyāṇāṃ tayor asthūri gārhapatyaṃ dīdayacchataṃ himā dvā yū rādhāṃsīt saṃpṛñcānāv asaṃpṛñcānau tanva iti // (21) Par.?

samānaṃ karmā vapāyai // (22) Par.?

vapayā pracarya vapāśrapaṇī anuprahṛtya samutkramya cātvāle mārjayante // (23) Par.?

atha yajamānam utkare sphyavighanān upasthāpayati // (24) Par.?

Duration=0.048803091049194 secs.