Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 16693
  • Click on a sentence to show its analysis
  • Keep the mouse pointer over a lemma to show its meanings.
vṛto brahmā suprakṣālitapāṇipāda ācānto 'pareṇāhavanīyaṃ dakṣiṇātikramya dakṣiṇatas tiṣṭhan namo brahmaṇa iti brahmasadanam upasthāyāhe daidhiṣavyeti sadanāt tṛṇaṃ nirasyon nivata ud udvataś ca geṣam ity upaviśya pātaṃ mā dyāvāpṛthivī iti dyāvāpṛthivī samīkṣya bhūr bhuvaḥ suvaḥ ka idaṃ brahmety ahaṃ bhūpatir ity etau japitvā // (1) Par.?
mantravatsu karmasu vācaṃ yacchati // (2) Par.?
yadi vyāhared vaiṣṇavīm ṛcaṃ vyāhṛtīś ca japitvā vācaṃ yacchati // (3) Par.?
adhvaryur atrāsaṃnayataḥ pavitre kṛtvā dakṣāya tveti praṇītāpraṇayanaṃ camasam ādāya vānaspatyo 'sīty adbhis triḥ prakṣālayati // (4) Par.?
godohanena paśukāmasya praṇayen mṛnmayenānnādyakāmasya kaṃsena brahmavarcasakāmasya // (5) Par.?
apareṇa gārhapatyaṃ pavitrāntarhite camase ko vo gṛhṇāti sa vo gṛhṇātv ity apa ānayati // (6) Par.?
anayā vo grahīṣyāmīti pṛthivīṃ dhyāyann adbhiḥ pūrayitvā devo va iti pūrvavad utpūyābhimantrayate // (7) Par.?
Duration=0.09286904335022 secs.