Texts

athartupātre ādadāte dakṣiṇam evādhvaryur uttaraṃ pratiprasthātā // (1) Par.?

adhvaryuḥ pūrvo vāyavyena droṇakalaśād gṛhṇāty upayāmagṛhīto 'si madhave tvā juṣṭaṃ gṛhṇāmīti // (2) Par.?

atha pratiprasthātā gṛhṇāty upayāmagṛhīto 'si mādhavāya tvā juṣṭaṃ gṛhṇāmīti // (3) Par.?

grahāv ādāyopaniṣkrāmataḥ // (4) Par.?

dakṣiṇam evādhvaryur dvārbāhuṃ niśrayamāṇa upaniṣkrāmati // (5) Par.?

uttaraṃ pratiprasthātā dvārbāhuṃ niśrayamāṇa uparamati // (6) Par.?

athādhvaryur āśrāvayaty o śrāvayāstu śrauṣaḍ ṛtunā preṣyeti // (7) Par.?

vaṣaṭkṛte juhoti // (8) Par.?

niṣkrāmaty eva pratiprasthātā // (9) Par.?

prapadyate 'dhvaryuḥ // (10) Par.?

sa gṛhṇāty upayāmagṛhīto 'si śukrāya tvā juṣṭaṃ gṛhṇāmīti // (11) Par.?

atha pratiprasthātāśrāvayaty o śrāvayāstu śrauṣaḍ ṛtunā preṣyeti // (12) Par.?

vaṣaṭkṛte juhoti // (13) Par.?

niṣkrāmaty evādhvaryuḥ // (14) Par.?

prapadyate pratiprasthātā // (15) Par.?

sa gṛhṇāty upayāmagṛhīto 'si śucaye tvā juṣṭaṃ gṛhṇāmīti // (16) Par.?

athādhvaryur āśrāvayaty o śrāvayāstu śrauṣaḍ ṛtunā preṣyeti // (17) Par.?

vaṣaṭkṛte juhoti // (18) Par.?

niṣkrāmaty eva pratiprasthātā // (19) Par.?

prapadyate 'dhvaryuḥ // (20) Par.?

sa gṛhṇāty upayāmagṛhīto 'si nabhāya tvā juṣṭaṃ gṛhṇāmīti // (21) Par.?

atha pratiprasthātāśrāvayaty o śrāvayāstu śrauṣaḍ ṛtunā preṣyeti // (22) Par.?

vaṣaṭkṛte juhoti // (23) Par.?

niṣkrāmaty evādhvaryuḥ // (24) Par.?

prapadyate pratiprasthātā // (25) Par.?

sa gṛhṇāty upayāmagṛhīto 'si nabhasyāya tvā juṣṭaṃ gṛhṇāmīti // (26) Par.?

athādhvaryur āśrāvayaty o śrāvayāstu śrauṣaḍ ṛtunā preṣyeti // (27) Par.?

vaṣaṭkṛte juhoti // (28) Par.?

niṣkrāmaty eva pratiprasthātā // (29) Par.?

prapadyate 'dhvaryur viparyasya pātram // (30) Par.?

sa gṛhṇāty upayāmagṛhīto 'sīṣāya tvā juṣṭaṃ gṛhṇāmīti // (31) Par.?

atha pratiprasthātāśrāvayaty o śrāvayāstu śrauṣaḍ ṛtunā preṣyeti // (32) Par.?

vaṣaṭkṛte juhoti // (33) Par.?

niṣkrāmaty evādhvaryuḥ // (34) Par.?

prapadyate pratiprasthātā viparyasya pātram // (35) Par.?

sa gṛhṇāty upayāmagṛhīto 'sy ūrjāya tvā juṣṭaṃ gṛhṇāmīti // (36) Par.?

athādhvaryur āśrāvayaty o śrāvayāstu śrauṣaḍ ṛtubhiḥ preṣyeti // (37) Par.?

vaṣaṭkṛte juhoti // (38) Par.?

niṣkrāmaty eva pratiprasthātā // (39) Par.?

prapadyate 'dhvaryuḥ // (40) Par.?

sa gṛhṇāty upayāmagṛhīto 'si sahāya tvā juṣṭaṃ gṛhṇāmīti // (41) Par.?

atha pratiprasthātāśrāvayaty o śrāvayāstu śrauṣaḍ ṛtubhiḥ preṣyeti // (42) Par.?

vaṣaṭkṛte juhoti // (43) Par.?

niṣkrāmaty evādhvaryuḥ // (44) Par.?

prapadyate pratiprasthātā // (45) Par.?

sa gṛhṇāty upayāmagṛhīto 'si sahasyāya tvā juṣṭaṃ gṛhṇāmīti // (46) Par.?

athādhvaryur āśrāvayaty o śrāvayāstu śrauṣaḍ ṛtubhiḥ preṣyeti // (47) Par.?

vaṣaṭkṛte juhoti // (48) Par.?

niṣkrāmaty eva pratiprasthātā // (49) Par.?

prapadyate 'dhvaryur viparyasya pātram // (50) Par.?

sa gṛhṇāty upayāmagṛhīto 'si tapāya tvā juṣṭaṃ gṛhṇāmīti // (51) Par.?

atha pratiprasthātāśrāvayaty o śrāvayāstu śrauṣaḍ ṛtubhiḥ preṣyeti // (52) Par.?

vaṣaṭkṛte juhoti // (53) Par.?

niṣkrāmaty evādhvaryuḥ // (54) Par.?

prapadyate pratiprasthātā viparyasya pātram // (55) Par.?

tam āha pratiprasthātar upaitena pātreṇa rameti // (56) Par.?

athādhvaryur āśrāvayaty o śrāvayāstu śrauṣaḍ ṛtunā preṣyeti // (57) Par.?

adhvaryū yajatam ity āha praśāstā // (58) Par.?

hotar etad yajety āhādhvaryuḥ // (59) Par.?

vaṣaṭkṛte juhoti // (60) Par.?

so 'traivāsīnaṃ pratiprasthātāram anuprapadyate // (61) Par.?

pratiprasthātātra pūrvo gṛhṇāty upayāmagṛhīto 'si tapasyāya tvā juṣṭaṃ gṛhṇāmīti // (62) Par.?

athādhvaryur gṛhṇāty upayāmagṛhīto 'si saṃsarpo 'sy aṃhaspatyāya tvā juṣṭaṃ gṛhṇāmīti // (63) Par.?

grahāv ādāyopaniṣkrāmataḥ // (64) Par.?

dakṣiṇam evādhvaryur dvārbāhuṃ niśrayamāṇa upaniṣkrāmati // (65) Par.?

uttaraṃ pratiprasthātā // (66) Par.?

pratiprasthātātra śrāvayaty o śrāvayāstu śrauṣaḍ ṛtunā preṣyeti // (67) Par.?

gṛhapate yajety āha praśāstā // (68) Par.?

hotar etad yajety āha gṛhapatiḥ // (69) Par.?

vaṣaṭkṛte sahobhau juhutaḥ // (70) Par.?

atha pratiprasthātādhvaryoḥ pātre grahasya saṃsrāvam avanayati // (71) Par.?

tam āha pratiprasthātar etena pātreṇaindrāgnaṃ grahaṃ gṛhāṇeti // (72) Par.?

tena pratiprasthātaindrāgnaṃ grahaṃ gṛhṇāti droṇakalaśāt pariplunā pātreṇendrāgnī āgataṃ sutam ity anudrutyopayāmagṛhīto 'sīndrāgnibhyāṃ tvā juṣṭaṃ gṛhṇāmīti // (73) Par.?

parimṛjya sādayaty eṣa te yonir indrāgnibhyāṃ tveti // (74) Par.?

athādhvaryuḥ pradakṣiṇam āvṛtya pratyaṅṅ ādrutya hotraitat pātraṃ saṃbhakṣayaty ṛtunā pītasyeti hotrā potrā neṣṭrāgnīdhā brāhmaṇācchaṃsinā maitrāvaruṇeneti // (75) Par.?

atha viparyasya pātraṃ hotraiva catuḥ saṃbhakṣayaty ṛtubhiḥ pītasyeti hotrā potrā neṣṭrācchāvākeneti // (76) Par.?

atha viparyasyaiva pātraṃ hotraiva dviḥ saṃbhakṣayaty ṛtunā pītasyeti // (77) Par.?