Texts

hotuś camasam anūnnayadhvam ubhayataḥśukrān kurudhvam acchāvākasya camasādhvaryo 'pi tvam unnayasva pratiprasthātaś caturbhir mā śakalaiḥ prokṣitāprokṣitaiḥ pratyupalambasveti // (1) Par.?

yathāsaṃpraiṣaṃ te kurvanti // (2) Par.?

samānaṃ karmāśrāvaṇāt // (3) Par.?

āśrāvaṇa eva vyeti // (4) Par.?

athādhvaryuḥ purastātpratyaṅ tiṣṭhann āśrāvayaty o śrāvayāstu śrauṣaṇ mādhyaṃdinasya savanasya niṣkevalyasya bhāgasya śukravato manthivato madhuścuta indrāya somān prasthitān preṣyeti // (5) Par.?

vaṣaṭkṛte sahobhau juhutaḥ sa prathamaḥ saṃkṛtir viśvakarmeti // (6) Par.?

vaṣaṭkṛtānuvaṣaṭkṛte dvir juhutaḥ // (7) Par.?

tathaiva dvirdviḥ sarvāṃś camasāñ juhvati // (8) Par.?

tathā saṃpraiṣam āha praitu hotuś camasaḥ pra brahmaṇa iti // (9) Par.?

tathā pradakṣiṇam āvṛtya hotṛcamase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā // (10) Par.?

tathā pratiprasthātottarārdha āhavanīyasya manthinaḥ saṃsrāvaṃ juhoti // (11) Par.?

tathāpa upaspṛśya śukrapātraṃ ca manthipātraṃ ca khare yathāyatanaṃ sādayati // (12) Par.?

yanty ete mahartvijāṃ camasāḥ // (13) Par.?

tathaite hotrakāṇāṃ camasādhvaryavaḥ sakṛtsakṛd droṇakalaśād abhyunnīyopāvartante // (14) Par.?

teṣāṃ tathaiva maitrāvaruṇacamasam ādāyāśrāvyāha praśāstar yajeti // (15) Par.?

brahman yaja potar yaja neṣṭar yajācchāvāka yajāgnīd yajeti // (16) Par.?

ṣaḍḍhotrāḥ saṃyājya pradakṣiṇam āvṛtya pratyaṅṅ ādrutyāgreṇa hotāram upaviśaty ayāḍ agnīd iti // (17) Par.?

sa bhadram akar ity āha hotā yo naḥ somaṃ rājānaṃ pāyayiṣyatīti // (18) Par.?

tathāpa upaspṛśya hotra iḍām upodyacchante // (19) Par.?

upahūyamānāyām iḍāyām upapragṛhṇanti camasān // (20) Par.?

upahūtāyām iḍāyām agnīdha ādadhāti ṣaḍavattam // (21) Par.?

prāśnanti // (22) Par.?

mārjayante // (23) Par.?

iḍopahūtāṃś camasān bhakṣayanti bhakṣehi māviśeti dīrghabhakṣam anudrutya rudravadgaṇasya soma deva te mativido mādhyaṃdinasya savanasya triṣṭupchandasa indrapītasya madhumata upahūtasyopahūto bhakṣayāmīti // (24) Par.?

hotṛcamasam evaite trayaḥ samupahūya bhakṣayanti // (25) Par.?

yathācamasaṃ camasān // (26) Par.?

hinva ma ity ātmānaṃ pratyabhimṛśante // (27) Par.?

āpyāyayanti camasān āpyāyasva sametu ta iti // (28) Par.?

sīdanti nārāśaṃsā āpyāyitā dakṣiṇasya havirdhānasyāpālambam adho'dhas tṛtīyāya marutvatīyāya // (29) Par.?

etasmin kāla āgnīdhre yajamānaḥ puroḍāśānāṃ prāśnāti // (30) Par.?

yad aśanā syāt patnī patnīśāle // (31) Par.?