Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agniṣṭoma
Show parallels Show headlines
Use dependency labeler
Chapter id: 16731
- Click on a sentence to show its analysis
- Keep the mouse pointer over a lemma to show its meanings.
atha prāṅ āyann āhendrāya marutvate 'nubrūhīti // (1) Par.?
tacchrutvā pratiprasthātā grahāv ādāyopaniṣkrāmati // (2) Par.?
upaniṣkrāntasyaivādhvaryur grahāv ādatte // (3) Par.?
uttaratas tiṣṭhate pratiprasthātre 'nyataraṃ prayacchati // (4) Par.?
athāśrāvayaty o śrāvayāstu śrauṣaḍ indrāya marutvate preṣyeti // (5) Par.?
vaṣaṭkṛte sahobhau juhutaḥ // (6) Par.?
atha pratiprasthātādhvaryoḥ pātre grahasya saṃsrāvam avanayati // (7) Par.?
tam āha pratiprasthātar etena pātreṇa tṛtīyaṃ marutvatīyaṃ grahaṃ gṛhāṇeti // (8) Par.?
tena pratiprasthātā tṛtīyaṃ marutvatīyaṃ grahaṃ gṛhṇāti droṇakalaśāt pariplunā pātreṇa marutvāṁ indra vṛṣabho raṇāyety anudrutyopayāmagṛhīto 'sīndrāya tvā marutvate juṣṭaṃ gṛhṇāmīti // (9) Par.?
parimṛjya sādayaty eṣa te yonir indrāya tvā marutvata iti // (10) Par.?
athādhvaryuḥ pradakṣiṇam āvṛtya pratyaṅṅ ādrutya hotraitat pātraṃ saṃbhakṣayatīndreṇa marutvatā pītasyeti // (11) Par.?
atha nigṛhya pātraṃ parāṅ āvartata iḍā devahūr iti // (12) Par.?
yāvad etasya yajuṣaḥ paryāpnoti tāvaj japati // (13) Par.?
abhy enam āhvayate hotā // (14) Par.?
pratyāhvayate 'dhvaryuḥ // (15) Par.?
śaṃsati // (16) Par.?
pratigṛṇāti // (17) Par.?
prasiddham ukthaṃ pratigīrya prāṅ etyodyacchata etaṃ tṛtīyaṃ marutvatīyaṃ graham // (18) Par.?
anūdyacchante nārāśaṃsān // (19) Par.?
athāśrāvayaty o śrāvayāstu śrauṣaḍ ukthaśā yaja somasyeti // (20) Par.?
vaṣaṭkṛtānuvaṣaṭkṛte dvir juhoti // (21) Par.?
tathaiva dvirdvir nārāśaṃsān anuprakampayanti // (22) Par.?
etat pātraṃ nārāśaṃsā anvāyanti // (23) Par.?
anusavanabhakṣa indreṇa marutvatā pītasyeti // (24) Par.?
hotā caivādhvaryuś caitat pātraṃ saṃbhakṣayato narāśaṃsapītena nārāśaṃsān narāśaṃsapītasya soma deva te mativido mādhyaṃdinasya savanasya triṣṭupchandasaḥ pitṛpītasya madhumata upahūtasyopahūto bhakṣayāmīti // (25) Par.?
hotṛcamasam evaite trayaḥ samupahūya bhakṣayanti // (26) Par.?
yathācamasaṃ camasān // (27) Par.?
hinva ma ity ātmānaṃ pratyabhimṛśante // (28) Par.?
āpyāyayanti camasān āpyāyasva sametu ta iti // (29) Par.?
sīdanti nārāśaṃsā āpyāyitā dakṣiṇasya havirdhānasyāpālambam adho'dho māhendrāya // (30) Par.?
Duration=0.095301151275635 secs.