Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 16746
  • Click on a sentence to show its analysis
  • Keep the mouse pointer over a lemma to show its meanings.
vedyāṃ saṃbhṛtān saṃbhārān saṃgṛhṇāti // (1) Par.?
vaiśvānarasya rūpam iti sikatā yad idaṃ divo yad ada ity ūṣān ūtīḥ kurvāṇa ity ākhūddhatam ūrjaṃ pṛthivyā iti valmīkavapāṃ prajāpatisṛṣṭānām iti sūdaṃ yasya rūpam iti varāhoddhataṃ yābhir adṛṃhad iti śarkarāś ca // (2) Par.?
saptaitān pārthivāñchuddhān pratyekaṃ kuḍuvaṃ śarāve pṛthag eva gṛhītvāśvo rūpaṃ kṛtvety āśvatthaṃ prādeśamātraṃ sapatrāgram ūrjaḥ pṛthivyā adhyutthito 'sīty audumbaraṃ gāyatryā hriyamāṇasya devānāṃ brahmavādam iti dvābhyāṃ pālāśaṃ yayā te sṛṣṭasyāgner iti śamīṃ yat te sṛṣṭasyeti vaikaṅkataṃ yat te tān tasyety aśanihataṃ // (3) Par.?
yo aśvatthaḥ śamīgarbha ity atraike 'raṇī ca saṃbharanti // (4) Par.?
yaṃ tvā samabharaṃ jātaveda iti yajamānaḥ sarvān saṃbhārān punaḥ saṃgṛhṇāti // (5) Par.?
upavyuṣaṃ sarvādhānino brāhmaudanike 'gnau prātar aupāsanahoma ity eke // (6) Par.?
jātavedo bhuvanasya reto 'yaṃ te yonir ṛtviya iti dvābhyām asminn agnāv araṇī niṣṭapati // (7) Par.?
Duration=0.030925035476685 secs.