Texts

arhayiṣyanta āharanti viṣṭarau pādyam arghyam ācamanīyaṃ madhuparkam iti // (1) Par.?

teṣām ekaikaśas trir vacanam // (2) Par.?

goś ca // (3) Par.?

viṣṭarayor ekam adhyāste dhautau pādāv itarasmin // (4) Par.?

pṛthak sāvitrīpādair madhuparkasya pibet // (5) Par.?

idam annam ayaṃ rasa imā gāvaḥ saha śriyeti tu purastād ekaikasya // (6) Par.?

vāg bahu bahu me bhūyād iti prathamasyopariṣṭāt // (7) Par.?

prāṇo vai vāco bhūyān bahur me bhūyo bhūyād iti dvitīyasya // (8) Par.?

mano vāva sarvaṃ sarvaṃ me bhūyād iti tṛtīyasya // (9) Par.?

sarve svāhākārāntāḥ // (10) Par.?

raso 'si vānaspatyo rasaṃ mayi dhehīti madhumanthasya pibed iti gautamaḥ // (11) Par.?

vānaspatya iti pravacanam // (12) Par.?

tathā dadhimanthodamanthayoḥ // (13) Par.?

payasyo 'payasya iti tu rasādeśaḥ // (14) Par.?

ete vaiva pravacane kālindaḥ sārasvata iti vā // (15) Par.?

śeṣaṃ brāhmaṇāya dadyāt // (16) Par.?

tadabhāve 'dbhiḥ samprokṣyābrāhmaṇāya // (17) Par.?

kuruteti gavi proktāyāṃ brūyāt // (18) Par.?

utsṛkṣyann oṃ kṛto dharmas tṛṇāny attu pibatūdakam utsṛjateti brūyāt // (19) Par.?

sarveṣāṃ yajñopavītodakācamane nitye // (20) Par.?

karmopayatām avyavāyo 'vyāvṛttiś ca yajñāṅgaiḥ // (21) Par.?

prāṅmukhakaraṇaṃ cānādeśe // (22) Par.?

krīte rājani subrahmaṇya uttareṇa somavahanaṃ gatvāntareṇeṣe śamīśākhāṃ palāśaśākhāṃ vā sapalāśāṃ pāṇau kṛtvāvatiṣṭheta // (23) Par.?

adhvaryusaṃpraiṣaṃ sarvatrākāṅkṣet subrahmaṇyāyām // (24) Par.?

raśmī dhārayaṃśchākhayā preṣyed gāvau // (25) Par.?

dakṣiṇaṃ pūrvaṃ // (26) Par.?

subrahmaṇyom iti trir āhvayet prāci vartamāne madhyamayā vācā // (27) Par.?

ṣaṭkṛtvaḥ pratīci // (28) Par.?

pūrveṇa patnīśālāṃ vimukte chadiṣi śākhām avaguhya tām evaiṣām anutkramyāvyavāyann agnīṣomau yathārthaṃ syāt // (29) Par.?