Texts

Help

Select a text:
Bibliography

Select a chapter:
(no revisions)

Associated topic(s): cāturmāsya

Show parallels Show headlines
Use dependency labeler

Chapter id: 16844

Click on a sentence to show its analysis
Keep the mouse pointer over a lemma to show its meanings.

atha cāturmāsyāni // (1) Par.?

akṣayyaṃ ha vai sukṛtaṃ cāturmāsyair bhavati // (2) Par.?

tāni yakṣyamāṇo vasante prācīnapravaṇe vaiśvadevena yajate // (3) Par.?

phālgunyāṃ caitryāṃ paurṇamāsyāṃ vodagayana āpūryamāṇapakṣasya puṇyāhe vā prayuñjīta // (4) Par.?

tasya pūrvedyur agnir hoteti manasānudrutenānuvākenāhavanīye hutvārambhaṇīyām iṣṭiṃ kuryād vaiśvānaraṃ dvādaśakapālaṃ pārjanyaṃ caruṃ ca // (5) Par.?

vaiśvānaro na ūtyā pṛṣṭo divīti vaiśvānarasya yājyānuvākye parjanyāya pragāyatācchā vada tavasaṃ gīrbhir iti pārjanyasya // (6) Par.?

vaiśvānare hiraṇyaṃ dakṣiṇā dhenuḥ pārjanye // (7) Par.?

ato 'nyat siddheṣṭiḥ // (8) Par.?

cāturmāsyānāṃ yajñakratoḥ pañcartvijo 'dhikaḥ pratiprasthātā // (9) Par.?

yathāsyaitad ahar udavasāyānudavasāya vā vaiśvadevahavirbhir yakṣyamāṇo 'tra paśubandhavad gārhapatyād agniṃ praṇīya tadvad agnyāyatane 'gniṃ pratiṣṭhāpayatīty eke // (10) Par.?

agnīn anvādhāyāmikṣāyai vaiśvadevyai vatsān apākaroti // (11) Par.?

saptadaśa sāmidhenyaḥ // (12) Par.?

tredhā prasūmayaṃ barhiḥ saṃnaddham // (13) Par.?

tad ekadhā punaḥ saṃnahyati // (14) Par.?

evam idhmam // (15) Par.?

ubhayatra punaḥsaṃnahane mantraḥ // (16) Par.?

sāyaṃ hute 'gnihotre sāṃnāyyaṃ dohayati // (17) Par.?

dadhnātanakti // (18) Par.?

Duration=0.069869995117188 secs.