Texts

ājye saṃsthite stuvate // (1.1) Par.?

stotravatāṃ śastrāṇām eṣeti prāhottamāt pratīhārād ūrdhvam āhūya śaṃsanti // (2.1) Par.?

prauge 'ntareṇa mādhucchandasāṃstṛcān ṛco vyavayanti tāḥ puroruca ity ācakṣate // (3.1) Par.?

tāsāṃ purastād āhāvaḥ // (4.1) Par.?

paridhānīyāyai ca // (5.1) Par.?

ṣaṭpadā vaiśvadevī // (6.1) Par.?

tasyāṃ dvābhyāṃ dvābhyām avasāya dvābhyāṃ praṇauti // (7.1) Par.?

sārasvatyāṃ vikalpaḥ / (8.1) Par.?

śaṃsen na vā / (8.2) Par.?

nityas tv āhāvaḥ // (8.3) Par.?

vāyur agregā yajñaprīḥ sākaṃ gan manasā yajñam / (9.1) Par.?

śivo niyudbhiḥ śivābhiḥ / (9.2) Par.?

iti sakṛc chastvā vāyav ā yāhi darśateti tisṛṇāṃ triḥ prathamām // (9.3) Par.?

hiraṇyavartanī narā devā patī abhiṣṭaye / (10.1) Par.?

vāyuś cendraś ca sumakhau / (10.2) Par.?

indravāyū ima iti tisraḥ // (10.3) Par.?

kāvyayor ājāneṣu kratvā dakṣasya duroṇe / (11.1) Par.?

riśādasā sadhastha ā / (11.2) Par.?

mitraṃ huva iti tisraḥ // (11.3) Par.?

daivyāv adhvaryū ā gataṃ rathena sūryatvacā / (12.1) Par.?

madhvā yajñaṃ samañjāthe / (12.2) Par.?

aśvinā yajvarīr iṣa iti tisraḥ // (12.3) Par.?

indra ukthebhir bhandiṣṭho vājānāṃ ca vājapatiḥ / (13.1) Par.?

harivān sutānāṃ sakhā / (13.2) Par.?

indrā yāhi citrabhāno iti tisraḥ // (13.3) Par.?

viśvān devān havāmahe 'smin yajñe sajoṣasaḥ / (14.1) Par.?

ta imaṃ yajñam āgaman devāso devyā dhiyā / (14.2) Par.?

ye yajñasya tanūkṛto viśva ā somapītaye / (14.3) Par.?

omāsaś carṣaṇīdhṛta iti tisraḥ // (14.4) Par.?

vācām ahaṃ devīṃ vācam asmin yajñe supeśasam / (15.1) Par.?

sarasvatīṃ havāmahe / (15.2) Par.?

pāvakā naḥ sarasvatīti tisṛṇām uttamayā paridhāyokthavīryaṃ japati vācaṃ me jinva / (15.3) Par.?

prāṇaṃ me tṛmpa / (15.4) Par.?

cakṣur me pāhi / (15.5) Par.?

śrotraṃ me 'va / (15.6) Par.?

varṇaṃ me yaccha / (15.7) Par.?

tanvaṃ me pāhi / (15.8) Par.?

yaśo me dhehi / (15.9) Par.?

ghoṣāya tvoktham avācīti // (15.10) Par.?

viśvebhiḥ somyaṃ madhv iti yajati // (16.1) Par.?