Texts

Select a text:
Bibliography

Select a chapter:
(no revisions)

Associated topic(s): cāturmāsya

Show parallels Show headlines
Use dependency labeler

Chapter id: 16879

Click on a sentence to show its analysis
Keep the mouse pointer over a lemma to show its meanings.

atha mahāpitṛyajño bhavati // (1) Par.?

vedaṃ kṛtvānvāhāryapacanasya dakṣiṇāpūrvasyāṃ diśi dikṣu sraktimatīṃ caturaratnīṃ yajamānamātrīṃ vā samacaturaśrāṃ vedim uddhṛtya na khanet // (2) Par.?

devapravāde mantre sarvatropari devaśabdasya pitṛśabdaṃ saṃnamati yathā devebhyaḥ pitṛbhyo juṣṭaṃ devānāṃ pitṝṇāṃ pariṣūtam asi devapitṛbarhir iti // (3) Par.?

sarvataḥ pariśrityodīcyāṃ sraktau dvāraṃ karoti // (4) Par.?

aparigṛhīta uttarasmin parigrāhe 'nvāhāryapacanād aṅgārān uddhṛtya vedimadhye nidadhāti // (5) Par.?

ayam atrāhavanīyaḥ // (6) Par.?

etam āhavanīyaṃ gārhapatyam anvāhāryapacanaṃ cānvādhāya piṇḍapitṛyajñavad barhir āharati // (7) Par.?

varṣīyān idhma idhmād bhavati // (8) Par.?

madhyamottarau dvau paridhī trayo vā // (9) Par.?

pātrasaṃsādane 'rdhapātraṃ prokṣaṇīkumbha ikṣuśalākā vāraṇaṃ pātraṃ śarāvaṃ vā yena cārthas tāny ekaikaśaḥ prayunakti // (10) Par.?

nirvapaṇakāle somāya pitṛmate puroḍāśaṃ ṣaṭkapālaṃ nirvapatīti yathā samāmnātāni trīṇi havīṃṣi // (11) Par.?

dakṣiṇataḥ prācīnāvītī yavān nirvapati // (12) Par.?

uttarata evopavīya nirvaped iti vijñāyate // (13) Par.?

prokṣaṇībhir yavān saṃyutyāvahatya triṣphalīkṛtya yathābhāgamantreṇa ṣaṭkapālaṃ vibhajya pinaṣṭi // (14) Par.?

Duration=0.04328989982605 secs.