Texts

Select a text:
Bibliography

Select a chapter:
(no revisions)

Associated topic(s): general or default rules for the sacrifice, paribhāṣā, general rules, yajñāyudhāni, utensils for the sacrifice

Show parallels Show headlines
Use dependency labeler

Chapter id: 16918

Click on a sentence to show its analysis
Keep the mouse pointer over a lemma to show its meanings.

juhvādīnāṃ srucāṃ catasṛṇām āyāmaṃ caturviṃśatyaṅgulaṃ bāhumātraṃ vā // (1) Par.?

mūlena mūlam agreṇāgraṃ tvakpārśvordhvabilaṃ ca kartavyaṃ daṇḍasyāyāmaṃ dvādaśāṅgulaṃ mūlenāham aṣṭāṅgulam agranāhaṃ ṣaḍaṅgulaṃ tadūrdhve dvādaśāṅgulaṃ tasmiṃs tryaṅgulaṃ ghanaṃ ṣaḍaṅgulivistāram agraṃ gajasyoṣṭhavad vā bilaṃ nimnam agrāntaṃ ghṛtadhārāpātanārthaṃ kulyāṃ ca kārayet // (2) Par.?

dhruvāyā daṇḍasyordhvaṃ caturaṅgulaṃ ghanaṃ madhye dvyaṅgulanimnaṃ ceti viśeṣaḥ // (3) Par.?

juhūvadāyāmau darśapūrṇamāsāgnihotrārthau sruvau dvayoś ca daṇḍāyatam ekaviṃśatyaṅgulaṃ tanmūlam agraṃ ca pūrvavad daṇḍordhvaṃ tryaṅgulaṃ samavṛttaṃ dvyaṅgulaṃ ghanaṃ nāsikavad dvipuṭaṃ bilam // (4) Par.?

tatpuṭayor vistāraghananimnaṃ caikāṅgulam // (5) Par.?

eteṣāṃ bāhumātrāyāme 'py aviśeṣa ūrdhve sāgraṃ bilam ekam eveti vijñāyate // (6) Par.?

śiṣṭaṃ daṇḍāyāmaṃ kurvīta // (7) Par.?

sphyasyāyāmo dviprādeśaḥ // (8) Par.?

tasya vistāraghanaṃ ca dvyaṅgulaṃ haṃsasya mukhavan mūlaṃ khananārtham agraṃ kuśatīkṣṇaṃ ca // (9) Par.?

Duration=0.056318044662476 secs.