Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, dīkṣā

Show parallels  Show headlines
Use dependency labeler
Chapter id: 16944
  • Click on a sentence to show its analysis
  • Keep the mouse pointer over a lemma to show its meanings.
aparāhne dīkṣate yajamānaḥ pūrvāhṇe vā // (1) Par.?
athādhvaryur dīkṣaṇīyām iṣṭiṃ nirvapaty āgnāvaiṣṇavam ekādaśakapālaṃ ghṛte caruṃ vā // (2) Par.?
saptadaśa sāmidhenyaḥ // (3) Par.?
na yajamānabhāgaṃ karoti // (4) Par.?
na barhiṣadaṃ puroḍāśaṃ karoti // (5) Par.?
na dakṣiṇā // (6) Par.?
patnīsaṃyājāntaiṣā // (7) Par.?
ājyeḍāṃ bhakṣayitvā viramanti // (8) Par.?
dhruvāyāḥ śeṣaṃ karoti // (9) Par.?
āhavanīyaṃ cāvasthāpayati // (10) Par.?
atra prācīnavaṃśāṃ śālām eke samāmananti // (11) Par.?
yat prāg agnīṣomīyāt tad upāṃśu // (12) Par.?
mandreṇa dīkṣaṇīyāyāṃ vāgantenety eke // (13) Par.?
tato nīcaistarāṃ nīcaistarām // (14) Par.?
mandratareṇa mandratareṇety eke // (15) Par.?
upāṃśūpasatsu // (16) Par.?
uccair agnīṣomīye // (17) Par.?
atha nirgatya pūrveṇa dvāreṇottareṇa śālāṃ pariśrite yajamānasya keśaśmaśru vapate // (18) Par.?
āpa undantu jīvasa iti dakṣiṇaṃ godānaṃ vidāryonatti // (19) Par.?
oṣadhe trāyasvainam iti prāgagraṃ darbham antardhāya svadhite mainaṃ hiṃsīr iti kṣuraṃ tiryañcaṃ nidadhāti // (20) Par.?
Duration=0.084051132202148 secs.