Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, somaparivahaṇa, śakaṭaparivahaṇa

Show parallels  Show headlines
Use dependency labeler
Chapter id: 16982
  • Click on a sentence to show its analysis
  • Keep the mouse pointer over a lemma to show its meanings.
varuṇasya skambhanam asīti tayor dakṣiṇaṃ prathamaṃ yunakti // (1) Par.?
varuṇasya skambhasarjanam asīti śamyām avagṛhya pratyasto varuṇasya pāśa iti yoktrapāśaṃ pratyasyati // (2) Par.?
etayaivāvṛtottaram anaḍvāhaṃ yunakti // (3) Par.?
palāśaśākhe bibhrad antareṇeṣe subrahmaṇya upasarpati // (4) Par.?
adhvaryur īṣāṃ dakṣiṇām anvārabhya somāya krītāya prohyamāṇāyānubrūhi brahman vācaṃ yaccha subrahmaṇya subrahmaṇyām āhvayeti saṃpreṣyati // (5) Par.?
oṃ bhūḥ sāsi subrahmaṇye tasyās te pṛthivī pāda iti subrahmaṇyāsu sarvāsu yajamānaḥ subrahmaṇyam anvārabhyāhūtām āhūtāṃ japati // (6) Par.?
adhvaryuyajamānau prathamāyāṃ trir uktāyāṃ pracyavasva bhuvaspata iti rājānaṃ pracyāvayataḥ // (7) Par.?
sarve prāñco 'bhibhūyātha pradakṣiṇaṃ paricaranti // (8) Par.?
śyeno bhūtvā parāpateti rājānam adhvaryur abhimantrayate // (9) Par.?
yajamānasya svastyayany asīti dakṣiṇenottareṇa vādhvaryur yajamānaś cāñjasā rājānam upasaṃkrāmataḥ // (10) Par.?
agreṇa śālāṃ tiṣṭhan rājñe prohyamāṇāyopadāṃ manvāno 'jenāgnīṣomīyeṇa karṇagṛhītena namo mitrasyeti rājānaṃ yajamānaḥ pratīkṣate // (11) Par.?
sa kṛṣṇasāraṅgo lohitasāraṅgo vā nirūḍhapaśubandhalakṣaṇaḥ śmaśrulaḥ sthūlaḥ pīvā // (12) Par.?
Duration=0.021708011627197 secs.