Texts

yat kṛṣṇo rūpaṃ kṛtvā prāviśas tvaṃ vanaspatīn / (1.1) Par.?

tatas tvām ekaviṃśatidhā saṃbharāmi susaṃbhṛtā / (1.2) Par.?

trīn paridhīṃs tisraḥ samidho yajñāyur anusaṃcarān / (1.3) Par.?

upaveṣaṃ mekṣaṇaṃ dhṛṣṭiṃ saṃbharāmi susaṃbhṛteti śulba idhmaṃ saṃbharati // (1.4) Par.?

kṛṣṇo 'sy ākhareṣṭho deva puraścara saghyāsaṃ tveti saṃnahyati / (2.1) Par.?

purastātpratyañcaṃ granthim upagūhati paścātprāñcaṃ vā / (2.2) Par.?

anadho nidadhāti // (2.3) Par.?

idhmapravraścanāni nidadhāti // (3.1) Par.?

tvayā vediṃ vividuḥ pṛthivīṃ tvayā yajño jāyate viśvadāniḥ / (4.1) Par.?

acchidraṃ yajñam anveṣi vidvāṃs tvayā hotā saṃtanoty ardhamāsān iti darbhāṇāṃ vedaṃ karoti // (4.2) Par.?

vatsajñuṃ paśukāmasya mūtakāryam annādyakāmasya trivṛcchirasaṃ brahmavarcasakāmasya // (5.1) Par.?

śulbāt prādeśe parivāsya vedaparivāsanāni nidadhāti // (6.1) Par.?

antarvedi śākhāyāḥ palāśāny asarvāṇi praśātya mūlataḥ śākhāṃ parivāsyopaveṣaṃ karoty upaveṣo 'si yajñāya tvāṃ pariveṣam adhārayan / (7.1) Par.?

indrāya haviḥ kṛṇvantaḥ śivaḥ śagmo bhavāsi na iti // (7.2) Par.?

tṛtīyasyai divo gāyatriyā soma ābhṛtaḥ / (8.1) Par.?

somapīthāya saṃnayituṃ vakalam antaram ādada iti parivāsanaśakalam ādāya prajñātaṃ nidadhāti // (8.2) Par.?

trivṛddarbhamayaṃ pavitraṃ kṛtvā vasūnām pavitram asīti śākhāyāṃ śithilam avasajati mūle mūlāny agre 'grāṇi / (9.1) Par.?

na granthiṃ karoti // (9.2) Par.?

trivṛtpalāśe darbha iyān prādeśasaṃmitaḥ / (10.1) Par.?

yajñe pavitraṃ potṛtamaṃ payo havyaṃ karotu me / (10.2) Par.?

imau prāṇāpānau yajñasyāṅgāni sarvaśaḥ / (10.3) Par.?

āpyāyayantau saṃcaratāṃ pavitre havyaśodhane iti kriyamāṇe yajamāno 'numantrayate // (10.4) Par.?

samūhanty agnyagāram upalimpanty āyatanāni // (11.1) Par.?

alaṃkurvāte yajamānaḥ patnī ca // (12.1) Par.?

nave sāṃnāyyakumbhyau yāvaccharkaraṃ gomayenālipte bhavataḥ // (13.1) Par.?