Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16994

Click on a sentence to show its analysis
Keep the mouse pointer over a lemma to show its meanings.

amāvāsyāyāṃ rātryāṃ svayaṃ yajamāno yavāgvāgnihotraṃ juhoty agnihotroccheṣaṇam ātañcanārthaṃ nidadhāti // (1) Par.?

nāsyaitāṃ rātriṃ kumārāś cana payaso labhante // (2) Par.?

hute sāyamagnihotre sāyaṃdohaṃ dohayati // (3) Par.?

agnīn paristīryāgnim agnī vā sāṃnāyyapātrāṇi prakṣālyottareṇa gārhapatyaṃ darbhān saṃstīrya dvandvaṃ nyañci prayunakti // (4) Par.?

kumbhīṃ śākhāpavitram abhidhānīṃ nidāne dārupātraṃ dohanam ayaspātraṃ dārupātraṃ vāpidhānārtham agnihotrahavaṇīm upaveṣaṃ ca // (5) Par.?

samāv apracchinnāgrau darbhau prādeśamātrau pavitre kurute // (6) Par.?

pavitre stho vaiṣṇavī vāyur vāṃ manasā punātv iti tṛṇaṃ kāṣṭhaṃ vāntardhāya chinatti // (7) Par.?

na nakhena // (8) Par.?

viṣṇor manasā pūte stha ity adbhir anumṛjya pavitrāntarhitāyām agnihotrahavaṇyām apa ānīyodagagrābhyāṃ pavitrābhyāṃ prokṣaṇīr utpunāti devo vaḥ savitotpunātv iti prathamam / (9.1) Par.?

acchidreṇa pavitreṇeti dvitīyam / (9.2) Par.?

vasoḥ sūryasya raśmibhir iti tṛtīyam // (9.3) Par.?

āpo devīr agrepuva ity abhimantryottānāni pātrāṇi paryāvartya śundhadhvaṃ daivyāya karmaṇa iti triḥ prokṣya prajñāte pavitre nidadhāti / (10.1) Par.?

āpo devīḥ śuddhā sthemā pātrāṇi śundhata / (10.2) Par.?

upātaṅkyāya devānāṃ parṇavalkam uta śundhata / (10.3) Par.?

devena savitrotpūtā vasoḥ sūryasya raśmibhiḥ / (10.4) Par.?

gāṃ dohapavitre rajjuṃ sarvā pātrāṇi śundhateti prokṣyamāṇāny abhimantryaitā ācaranti madhumad duhānāḥ prajāvatīr yaśaso viśvarūpāḥ / (10.5) Par.?

bahvīr bhavantīr upajāyamānā iha va indro ramayatu gāva iti gā āyatīḥ pratīkṣate yajamānaḥ // (10.6) Par.?

Duration=0.064279079437256 secs.