Texts

niṣṭaptaṃ rakṣo niṣṭapto 'ghaśaṃsa iti gārhapatye sāṃnāyyapātrāṇi pratitapya dhṛṣṭir asi brahma yacchety upaveṣam ādāya nirūḍhaṃ janyaṃ bhayaṃ nirūḍhāḥ senā abhītvarīr iti gārhapatyād udīco 'ṅgārān nirūhya mātariśvano gharmo 'sīti teṣu kumbhīm adhiśrayati // (1) Par.?

aprasraṃsāya yajñasyokhe upadadhāmy aham / (2.1) Par.?

paśubhiḥ saṃnītaṃ bibhṛtām indrāya śṛtaṃ dadhīti vā // (2.2) Par.?

bhṛgūṇām aṅgirasāṃ tapasā tapyasveti pradakṣiṇam aṅgāraiḥ paryūhya vasūnāṃ pavitram asīti tasyāṃ prāgagraṃ śākhāpavitram atyādadhāti // (3) Par.?

udak prātaḥ // (4) Par.?

kumbhīm anvārabhya vācaṃ yacchati // (5) Par.?

pavitraṃ vā dhārayann āste // (6) Par.?

adityai rāsnāsīty abhidhānīm ādatte // (7) Par.?

trayastriṃśo 'si tantūnāṃ pavitreṇa sahāgahi / (8.1) Par.?

śiveyaṃ rajjur abhidhāny aghniyām upasevatām ity ādīyamānām abhimantrayate yajamānaḥ // (8.2) Par.?

pūṣāsīti vatsam abhidadhāti // (9) Par.?

upasṛṣṭāṃ me prabrūtād iti saṃpreṣyati // (10) Par.?

upasṛjāmīty āmantrayate / (11.1) Par.?

ayakṣmā vaḥ prajayā saṃsṛjāmi rāyaspoṣeṇa bahulā bhavantīr iti vatsam upasṛjati // (11.2) Par.?

gāṃ copasṛṣṭāṃ vihāraṃ cāntareṇa mā saṃcāriṣṭeti saṃpreṣyati // (12) Par.?

yady upasṛṣṭāṃ vyaveyāt sāṃnāyyaṃ mā vilopīti brūyāt // (13) Par.?

upasīdāmīty āmantrayate / (14.1) Par.?

ayakṣmā vaḥ prajayā saṃsṛjāmi rāyaspoṣeṇa bahulā bhavantīḥ / (14.2) Par.?

ūrjaṃ payaḥ pinvamānā ghṛtaṃ ca jīvā jīvantīr upa vaḥ sadeyam iti dogdhopasīdati // (14.3) Par.?

na śūdro duhyād duhyād vā // (15) Par.?

dārupātre dogdhi // (16) Par.?

upasṛṣṭāṃ duhyamānāṃ dhārāghoṣaṃ ca yajamāno 'numantrayate / (17.1) Par.?

ayakṣmā vaḥ prajayā saṃsṛjāmīty upasṛṣṭām / (17.2) Par.?

dyauś cemaṃ yajñaṃ pṛthivī ca saṃduhātām / (17.3) Par.?

dhātā somena saha vātena vāyuḥ / (17.4) Par.?

yajamānāya draviṇaṃ dadhātv iti duhyamānām // (17.5) Par.?