Texts

ārūḍho japatīmāṃ su nāvam āruham ity etām // (1) Par.?

viṣṇoḥ śarmāsi śarma yajamānasya śarma me yacchety aṃsaṃ prorṇute // (2) Par.?

nakṣatrāṇāṃ mātīkāśāt pāhīty uṣṇīṣeṇa śiro veṣṭayate // (3) Par.?

saśiro vā prorṇute yathāsuṣṭhu // (4) Par.?

patnyāḥ śirasi kumbakurīraṃ kalpayati // (5) Par.?

jālaṃ kurīram ity ācakṣate // (6) Par.?

kṛṣṇānāṃ jīvorṇānāṃ bhavatīti vijñāyate // (7) Par.?

athaināṃ kṣaumeṇa vāsasā prācīnamātrā paridhāpayati // (8) Par.?

ūrdhvavāsyaṃ bruvate // (9) Par.?

yajamānam anyatarataḥpāśayā mauñjyā mekhalayā trivṛtā pṛthvyā madhyataḥ saṃnahyaty ūrg asy āṅgirasīti // (10) Par.?

uttareṇa nābhiṃ niṣṭarkyaṃ granthiṃ kṛtvā dakṣiṇato nābheḥ paryūhate // (11) Par.?

yoktreṇa patnīṃ saṃnahyati yathā darśapūrṇamāsayoḥ saṃ tvā nahyāmīty etayā // (12) Par.?

athāsmai trivaliṃ pañcavaliṃ vā kṛṣṇaviṣāṇāṃ pradakṣiṇāvartāṃ prayacchatīndrasya yonir asi mā mā hiṃsīr iti // (13) Par.?

tām etenaiva mantreṇābadhnāti // (14) Par.?

tayā veder loṣṭam uddhanti kṛṣyai tvā susasyāyā iti // (15) Par.?

supippalābhyas tvauṣadhībhya iti śirasi kaṇḍūyate yadāsya kaṇḍūyati // (16) Par.?

viṣāṇe viṣyaitaṃ granthiṃ yad asya gulphitaṃ hṛdi mano yad asya gulphitam ity aṅgeṣu // (17) Par.?

athāsmā audumbaraṃ dīkṣitadaṇḍaṃ prayacchati mukhena saṃmitam ūrdhvasad asi vānaspatyaḥ sudyumno dyumnaṃ yajamānāya dhehīti // (18) Par.?

yaḥ kaś ca yajñiyo vṛkṣaḥ phalagrahis tasya kārya ity ekeṣām // (19) Par.?

taṃ pratigṛhṇāti sūpasthā adya devo vanaspatir iti // (20) Par.?