Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17041

Click on a sentence to show its analysis
Keep the mouse pointer over a lemma to show its meanings.

apareṇāhavanīyaṃ triṣu prakrameṣv atra ramethām iti nabhyasthe havirdhāne sthāpayitvābhimantrayataḥ // (1) Par.?

yāvadartham etayor antarālam // (2) Par.?

vaiṣṇavam asi viṣṇus tvottabhnātv iti tayoś cubuke uttambhayataḥ // (3) Par.?

divo vā viṣṇav ity āśīrpadayarcā dakṣiṇasya havirdhānasya methīṃ nihanti dakṣiṇaṃ tūṣṇīm uttaraṃ ca // (4) Par.?

viṣṇor nu kam iti tathottarasya // (5) Par.?

viṣṇor dhruvam asīti spandyayā methiṣv ete nibadhnīto viṣṇor dhruvo 'sīti granthiṃ kurutaḥ // (6) Par.?

tau surakṣitau baddhvordhvāḥ śamyāḥ samutkṛṣyopari dhārayataḥ // (7) Par.?

dakṣiṇasya havirdhānasya prāñcam aratniṃ mītvā maho vā viṣṇav iti prācīnakarṇās tisra udagapavargāḥ sthūṇāḥ sthāpayati // (8) Par.?

evam uttarasya pratiprasthātā // (9) Par.?

evam aparāḥ ṣaṭ sthūṇāḥ sthāpayataḥ // (10) Par.?

tāsūdañcau vaṃśau prohataḥ prācaś ca // (11) Par.?

viṣṇo rarāṭam asīti purastād rarāṭaṃ vaṃśe badhnītaḥ // (12) Par.?

tathā paritaḥ // (13) Par.?

viṣṇoḥ pṛṣṭham asīti tryaratnivistāraṃ navāyāmaṃ madhyamaṃ chadiḥ prāñcam udañcaṃ vā nidhāya viṣṇo śnaptre stha iti tad abhitaś chadiṣī ca // (14) Par.?

pari tvā girvaṇa iti sarvataḥ pariśrayati // (15) Par.?

pṛṣṭhyām abhitaḥ pūrvam aparaṃ ca dvāre kurutaḥ // (16) Par.?

viṣṇoḥ syūr asīti darbhair dvārasthūṇe veṣṭayataḥ // (17) Par.?

viṣṇor dhruvo 'sīti granthī kurutaḥ // (18) Par.?

tau surakṣitau // (19) Par.?

evam apare dvārasthūṇe // (20) Par.?

prāgunnataṃ paścādavanatam etad vaiṣṇavam asi viṣṇave tvety abhimṛśataḥ // (21) Par.?

Duration=0.063911914825439 secs.