Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17051

Caland, Henry ﾧ29

tām īkṣamāṇo juhoti jūr asi dhṛtā manaseti // (1) Par.?

Caland, Henry ﾧ30

aparaṃ caturgṛhītaṃ gṛhītvā śukram asy amṛtam asīti hiraṇyaṃ ghṛtād uddharati // (2) Par.?

vaiśvadevaṃ havir ity ājyam abhimantrayate // (3) Par.?

pramucya hiraṇyam ādityam upatiṣṭhate sūryasya cakṣur āruham iti // (4) Par.?

somakrayaṇīm abhimantrayate cid asi manāsīti pratipadyendrāya somam ity antena // (5) Par.?

athāsyā dakṣiṇena padā dakṣiṇāni ṣaṭ padāny anukrāmati vasvy asi / (6.1) Par.?

rudrāsīty etair mantraiḥ // (6.2) Par.?

saptamaṃ padam abhinigṛhṇāti bṛhaspatis tvā sumne raṇvatv iti // (7) Par.?

tasmin hiraṇyam upāsyaitac caturgṛhītaṃ juhoti pṛthivyās tvā mūrdhann ā jigharmi devayajana iḍāyāḥ pade ghṛtavati svāheti // (8) Par.?

yāvad ghṛtam anuvisṛtaṃ tāvat sphyena parilikhati parilikhitaṃ rakṣaḥ parilikhitā arātaya iti // (9) Par.?

evam eva kṛṣṇaviṣāṇayānuparilikhati // (10) Par.?

yavattmūtaṃ sthālyāṃ saṃvapaty asme rāya iti // (11) Par.?

tve rāya ity adhvaryur yajamānāya prayacchati // (12) Par.?

tote rāya iti yajamānaḥ patnyai // (13) Par.?

patnyai padaṃ pradīyamānam adhvaryur abhimantrayate māhaṃ rāyaspoṣeṇa vi yoṣam iti // (14) Par.?

somakrayaṇyā patnīṃ saṃkhyāpayati saṃ devi devyorvaśyā paśyasveti // (15) Par.?

pada udapātram upaninayaty unnambhaya pṛthivīm iti // (16) Par.?

pade sahiraṇyau pāṇī prakṣālya gārhapatyasya śīte bhasmani padatṛtīyam upavapati // (17) Par.?

evam āhavanīyam tṛtīyam // (18) Par.?

tṛtīyam akṣopāñjanāyāvaśinaṣṭi // (19) Par.?

tat patnī gṛheṣu nidhatte // (20) Par.?

sahiraṇyena pāṇinādityam upatiṣṭhate // (21) Par.?

Duration=0.052549123764038 secs.