Texts

anyābhyām anyābhyām aṃśubhyāṃ pratiprasthātā pātram apidadhāti // (1) Par.?

asādayitvā graham ādāyādhvaryur uttiṣṭhati svāṃkṛto 'si madhumatīr na iṣas kṛdhīti // (2) Par.?

uttareṇa hotāraṃ haraty urv antarikṣam anvihīti // (3) Par.?

manas tvāṣṭv ity uttaraṃ paridhisaṃdhim anvavatiṣṭhataḥ // (4) Par.?

ṛjus tiṣṭhan dakṣiṇāprāñcaṃ saṃtataṃ juhoti svāhā tvā subhavaḥ sūryāyeti // (5) Par.?

devebhyas tvā marīcipebhya iti hutvā paridhau lepaṃ nimārṣṭi // (6) Par.?

yadi kāmayeta varṣukaḥ parjanyaḥ syād iti nīcā hastena nimṛjyāt // (7) Par.?

yadi kāmayetāvarṣukaḥ syād ity uttānena nimṛjyāt // (8) Par.?

āgrayaṇasthālyāṃ saṃpātam avanīyāyatane pātraṃ sādayaty eṣa te yoniḥ prāṇāya tveti // (9) Par.?

anabhiṣutānām aṃśūnām ekam ādāyādhvaryur upāṃśupātre 'pāsyati / (10.1) Par.?

sa ā tṛtīyasavanāt pariśere // (10.2) Par.?

tato 'ṃśuṣvaṃśūn apisṛjati yat te somādābhyaṃ nāma jāgṛvīti / (11.1) Par.?

dvaudvāv anusavanaṃ vā // (11.2) Par.?

yady abhicared amuṣya tvā prāṇe sādayāmīty upāṃśuṃ gṛhītvā sādayet // (12) Par.?

athainaṃ sāvitreṇādāya harati // (13) Par.?

samānam ā homāt // (14) Par.?

hoṣyann abhimantrayate 'muṃ jahy atha tvā hoṣyāmīti // (15) Par.?

yadi dūre syād ā tamitos tiṣṭhet // (16) Par.?

samanya juhoti praharṣiṇo madirasya made mṛṣāsāv astu svāheti // (17) Par.?

samānam itarat // (18) Par.?