Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17141
  • Click on a sentence to show its analysis
  • Keep the mouse pointer over a lemma to show its meanings.
dakṣiṇena cātvālam upaviśanti // (1) Par.?
agreṇa prastotāram upaviśyādhvaryuḥ prastotre barhirmuṣṭiṃ prayacchan stotram upākaroti vāyur hiṃkarteti pratipadya te devāḥ prāṇabhṛtaḥ prāṇaṃ mayi dadhatu / (2.1) Par.?
somaḥ pavata ity antena // (2.2) Par.?
etenaiva sarvāṇi stotrāṇy upākaroti // (3) Par.?
upāvartadhvam ity anyatra pavamānebhyo 'nantaraṃ karoti // (4) Par.?
cātvālam avekṣamāṇāḥ stuvate // (5) Par.?
stotraṃ stūyamānaṃ catvāra ṛtvija upagāyanti / (6.1) Par.?
digbhya upagāyanti // (6.2) Par.?
yajamānapañcamā ṛtvija upagāyanti // (7) Par.?
nādhvaryur upagāyed iti vijñāyate // (8) Par.?
o ity anya ṛtvija upagāyanti / (9.1) Par.?
ho iti yajamānaḥ // (9.2) Par.?
stūyamānaṃ yajamāno 'nvārohaṃ japati śyeno 'si gāyatrachandā iti // (10) Par.?
stutam anumantrayate stutasya stutamasīti // (11) Par.?
etenaiva sarvāṇi stotrāṇy anumantrayate // (12) Par.?
stuta uttiṣṭhann āhāgnīd agnīn vihara barhiḥ stṛṇāhi puroḍāśāṁ alaṃkuru pratiprasthātaḥ paśunehīti // (13) Par.?
pratyetya rājānaṃ yajamāna upatiṣṭhate viṣṇo tvaṃ no antama iti // (14) Par.?
āgnīdhrād aṅgārān āhṛtya yathānyuptam āgnīdhro dhiṣṇiyān viharati // (15) Par.?
purastāt pratyaṅṅ āsīnaḥ pratiprasthātā dhiṣṇiyān vyāghārayati // (16) Par.?
droṇakalaśāt pariplavayā rājānam ādāyāhavanīyam āgnīdhrīyaṃ hotrīyam / (17.1) Par.?
pañcagṛhītenājyenetarān / (17.2) Par.?
somena mārjālīyam // (17.3) Par.?
ya eva nivapanamantrās te vyāghāraṇāḥ // (18) Par.?
savanīyānāṃ pātrāṇi prakṣālya prayunakti yāny auṣadhakāritāni bhavanti // (19) Par.?
pavitre kṛtvā saṃpreṣyati yajamāna vācaṃ yaccheti // (20) Par.?
vāgyataḥ pātrāṇi saṃmṛśati // (21) Par.?
Duration=0.066256999969482 secs.