Texts

tataḥ punar abhyunnītaiś caranti // (1) Par.?

droṇakalaśād abhyunnītā bhavanti // (2) Par.?

maitrāvaruṇacamasam ādāyādhvaryur atyākramyāśrāvyāha praśāstar yajeti / (3.1) Par.?

vaṣaṭkṛte juhoti // (3.2) Par.?

evam anupūrvaṃ yo yo yajate taṃ taṃ saṃpreṣyati brahman yaja / (4.1) Par.?

potar yaja / (4.2) Par.?

neṣṭar yaja / (4.3) Par.?

agnīd yajeti // (4.4) Par.?

eteṣām ete camasā bhavanti // (5) Par.?

sarvāsu somāhutīṣv anuvaṣaṭkāra āmnāto bhavati // (6) Par.?

ayāḍ agnīd iti hotra ācaṣṭe // (7) Par.?

sa bhadram akar yo naḥ somaṃ pāyayiṣyatīti hotā pratyāha // (8) Par.?

bhakṣam abhimantrayate bhakṣehi māviśeti // (9) Par.?

pratigṛhṇāty aśvinos tvā bāhubhyāṃ saghyāsam iti // (10) Par.?

avekṣate nṛcakṣasaṃ tvā deva soma sucakṣā ava khyeṣam iti // (11) Par.?

yatra kva ca bhakṣayed evam evaitān mantrāñ japet // (12) Par.?

athaitam upahavam iṣṭvā prāṇeṣūpaniyamya bhakṣayati mandrābhibhūtir iti // (13) Par.?

ye ke cānaindrā anārāśaṃsāḥ prātaḥsavana eṣa evaiteṣāṃ bhakṣamantro bhavati // (14) Par.?

vāg devī somasya tṛpyatv ity eke sārvatrikaṃ samāmananti // (15) Par.?

dvir aindravāyavaṃ bhakṣayati sakṛt sakṛd itarau / (16.1) Par.?

cakṣuṣor upanigrāhaṃ maitrāvaruṇam / (16.2) Par.?

śrotrayor upanigrāhaṃ sarvataḥ parihāram āśvinam // (16.3) Par.?