Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17158

Click on a sentence to show its analysis
Keep the mouse pointer over a lemma to show its meanings.

yadi kāmayetādhvaryur ātmānaṃ yajñayaśasenārpayeyam ity etad yathāsamāmnātam // (1) Par.?

yathācamasaṃ camasino bhakṣayanti mandrābhibhūtir iti // (2) Par.?

evaṃ pratiprasthātottarābhyām ukthyavigrahābhyām abhakṣayan pracarati // (3) Par.?

yo yo mukhyaś camasas tasmiṃs tasmin saṃsrāvam avanayati // (4) Par.?

brāhmaṇācchaṃsicamasamukhyo dvitīyaḥ / (5.1) Par.?

acchāvākacamasamukhyas tṛtīyaḥ // (5.2) Par.?

etena śastrayājyānām ānupūrvyaṃ vyākhyātam // (6) Par.?

etāvan nānā / (7.1) Par.?

indrāya tveti brāhmaṇācchaṃsino grahaṇasādanau bhavataḥ / (7.2) Par.?

aindro bhakṣamantraḥ / (7.3) Par.?

indrāgnibhyāṃ tvety acchāvākasya grahaṇasādanau bhavataḥ / (7.4) Par.?

mandrābhibhūtir iti bhakṣamantraḥ // (7.5) Par.?

uttamam ukthyavigrahaṃ gṛhītvā na sthālīṃ pratyabhimṛśati // (8) Par.?

nyupyokthyasthālīṃ ṣoḍaśinaṃ gṛhṇāty ā tiṣṭha vṛtrahan ratham ity etenānuvākenottareṇa vā // (9) Par.?

api cainaṃ dhārāgrahāṇām uttamaṃ gṛhṇīyāt // (10) Par.?

evam evottareṇānuvākena savane savane ṣoḍaśinam abhigṛhṇāti // (11) Par.?

ṣoḍaśinaṃ gṛhītvā saṃpreṣyaty uttamāṃś camasān unnaya droṇakalaśaṃ pūtabhṛty avanaya sarvaṃ rājānaṃ camaseṣūnnaya daśābhiḥ kalaśau mṛṣṭvā nyubjeti // (12) Par.?

ukthaśā ity āha prātaḥsavanaṃ pratigīrya // (13) Par.?

agniḥ prātaḥsavane pātv asmān ity āhutiṃ hutvā saṃpreṣyati praśāstaḥ prasuhīti // (14) Par.?

sarpatety āha praśāstā // (15) Par.?

saṃtiṣṭhate prātaḥsavanam // (16) Par.?

Duration=0.06489086151123 secs.