Texts

mādhyaṃdinaṃ savanaṃ vyākhyāsyāmaḥ // (1) Par.?

tasya prātaḥsavanena kalpo vyākhyātaḥ // (2) Par.?

vikārān anukramiṣyāmaḥ // (3) Par.?

tataḥ saṃpreṣyati pratiprasthātaḥ savanīyān nirvapeti // (4) Par.?

vasatīvarībhir hotṛcamasaṃ pūrayitvā nigrābhyāsu yajamānaṃ vācayati yathā prātaḥsavane // (5) Par.?

adhiṣavaṇacarmaṇi sarvaṃ rājānaṃ nyupya grāvastuta uṣṇīṣaṃ prayacchati // (6) Par.?

asaṃpreṣito grāvastotrīyā anvāha // (7) Par.?

mahābhiṣavam abhiṣuṇvanti yathā prātaḥsavane // (8) Par.?

etāvan nānā / (9.1) Par.?

ihābhya ihety abhiṣuṇvanti // (9.2) Par.?

uttamasyābhiṣavasya madhyame paryāye bṛhad ity abhiṣuṇvanti // (10) Par.?

athottamaṃ paryāyaṃ rādhayanta ivābhiṣuṇvantīhābhya iha ihābhya iheti // (11) Par.?

uttame paryāye 'bhiṣuto rājā bhavaty asaṃbhṛto 'tha pratiprasthātā grāvṇo 'numodate devā grāvāṇa indur indrety avādiṣuḥ / (12.1) Par.?

endram acucyavuḥ / (12.2) Par.?

paramasyāḥ parāvataḥ / (12.3) Par.?

āsmāt sadhasthāt / (12.4) Par.?

oror antarikṣāt / (12.5) Par.?

ā subhūtam asuṣavuḥ / (12.6) Par.?

brahmavarcasaṃ ma āsuṣavuḥ / (12.7) Par.?

samare rakṣāṃsy avadhiṣuḥ / (12.8) Par.?

apahataṃ brahmajyasyeti // (12.9) Par.?

samānam ā grahakālāt // (13) Par.?

śukrāmanthināv evāgre gṛhṇāti // (14) Par.?

āgrayaṇaṃ tisṛbhyo dhārābhyo gṛhṇāti // (15) Par.?

ya evāgrayaṇasthālyāṃ rājā tam anyasmin pātre paryāsicya dvitīyāṃ dhārāṃ kurute / (16.1) Par.?

udacanāt tṛtīyām // (16.2) Par.?

ukthyasyāvṛtokthyaṃ gṛhītvā // (17) Par.?