Texts

Help

Select a text:
Bibliography
Select a chapter:
 (no revisions)
Associated topic(s): Mīmāṃsā

Show parallels  Show headlines
Use dependency labeler
Chapter id: 17263
  • Click on a sentence to show its analysis
  • Keep the mouse pointer over a lemma to show its meanings.
yac caitad bahubhir bherīm ādhmanadbhiḥ śabdam uccārayadbhir mahāñ śabda upalabhyate tena pratipuruṣaṃ śabdāvayavapracaya iti gamyate // (1) Par.?
naivam // (2) Par.?
niravayavo hi śabdo 'vayavabhedānavagamān niravayavatvāc ca mahattvānupapattiḥ // (3) Par.?
ato na vardhate śabdaḥ // (4) Par.?
mṛdur ekena bahubhiś coccāryamāṇe tāny evākṣarāṇi karṇaśaṣkulīmaṇḍalasya sarvāṃ nemiṃ vyāpnuvadbhiḥ saṃyogavibhāgair nairantaryeṇānekaśo grahaṇān mahān ivāvayavavān ivopalabhyante // (5) Par.?
saṃyogavibhāgā nairantaryeṇa kriyamāṇāḥ śabdam abhivyañjanto nādaśabdavācyāḥ // (6) Par.?
tena nādasyaiṣā vṛddhir na śabdasyeti // (7) Par.?
Duration=0.031245946884155 secs.