Texts

Select a text:
Bibliography

Select a chapter:
(no revisions)

Associated topic(s): Grammar, Lexicography

Show parallels Show headlines
Use dependency labeler

Chapter id: 17281

Click on a sentence to show its analysis
Keep the mouse pointer over a lemma to show its meanings.

yatho hi nu vā etat tad yatra svarasaṃskārau samarthau prādeśikena vikāreṇānvitau syātāṃ sarvaṃ prādeśikam ity evaṃ saty anupālambha eṣa bhavati // (1) Par.?

yatho etad yaḥ kaś ca tat karma kuryāt sarvaṃ tat sattvaṃ tathācakṣīrann iti paśyāmaḥ samānakarmaṇāṃ nāmadheyapratilambham ekeṣāṃ naikeṣāṃ yathā takṣā parivrājako jīvano bhūmija iti // (2) Par.?

etenaiva uttaraḥ pratyuktaḥ // (3) Par.?

yatho etad yathā cāpi pratītārthāni syus tathaināny ācakṣīrann iti santy alpaprayogāḥ kṛto apy aikapadikā yathā vratatir damūnā jāṭya āṭṇāro jāgarūko darvihomīti // (4) Par.?

yatho etanniṣpanne 'bhivyāhāre 'bhivicārayantīti bhavati hi niṣpanne 'bhivyāhāre yogaparīṣṭiḥ // (5) Par.?

prathanāt pṛthivīty āhuḥ // (6) Par.?

ka enām aprathayiṣyat kimādhāraś ceti // (7) Par.?

atha vai darśanena pṛthuḥ // (8) Par.?

aprathitā ced apy anyaiḥ // (9) Par.?

athāpy evaṃ sarva eva dṛṣṭapravādā upālabhyante // (10) Par.?

yatho etat padebhyaḥ padetarārdhānt saṃcaskāreti yo 'nanvite 'rthe saṃcaskāra sa tena garhyaḥ // (11) Par.?

saiṣā puruṣagarhā na śāstragarheti // (12) Par.?

yatho etad aparasmād bhāvāt pūrvasya pradeśo nopapadyata iti paśyāmaḥ pūrvotpannānāṃ sattvānām aparasmād bhāvān nāmadheyapratilambham ekeṣāṃ naikeṣāṃ yathā bilvādo lambacūḍaka iti // (13) Par.?

bilvaṃ bharaṇād vā bhedanād vā // (14) Par.?

Duration=0.043713092803955 secs.