Texts

athāpīdam antareṇa mantreṣv arthapratyayo na vidyate // (1.1) Par.?

artham apratiyato nātyantaṃ svarasaṃskāroddeśaḥ // (2.1) Par.?

tad idaṃ vidyāsthānaṃ vyākaraṇasya kārtsnyam // (3.1) Par.?

svārthasādhakaṃ ca // (4.1) Par.?

yadi mantrārthapratyayāyānarthakaṃ bhavatīti kautsaḥ // (5.1) Par.?

anarthakā hi mantrāḥ // (6.1) Par.?

tad etenopekṣitavyam // (7.1) Par.?

niyatavāco yuktayo niyatānupūrvyā bhavanti // (8.1) Par.?

athāpi brāhmaṇena rūpasampannā vidhīyante // (9.1) Par.?

uru prathasva / (10.1) Par.?

iti prathayati // (10.2) Par.?

prohāṇi / (11.1) Par.?

iti prohati // (11.2) Par.?

athāpy anupapannārthā bhavanti // (12.1) Par.?

oṣadhe trāyasvainam // (13.1) Par.?

svadhite mainaṃ hiṃsīḥ / (14.1) Par.?

ity āha hiṃsan // (14.2) Par.?

athāpi vipratiṣiddhārthā bhavanti // (15.1) Par.?

eka eva rudro 'vatasthe na dvitīyaḥ // (16.1) Par.?

asaṃkhyātā sahasrāṇi ye rudrā adhi bhūmyām // (17.1) Par.?

aśatrur indra jajñiṣe // (18.1) Par.?

śataṃ senā ajayat sākamindraḥ / (19.1) Par.?

iti // (19.2) Par.?

athāpi jānantaṃ saṃpreṣyati // (20.1) Par.?

agnaye samidhyamānāyānubrūhi / (21.1) Par.?

iti // (21.2) Par.?

athāpy āhāditiḥ sarvam iti // (22.1) Par.?

aditir dyaur aditir antarikṣam / (23.1) Par.?

iti // (23.2) Par.?

tad upariṣṭād vyākhyāsyāmaḥ // (24.1) Par.?

athāpy avispaṣṭārthā bhavanti // (25.1) Par.?

amyak / (26.1) Par.?

yādṛśmin / (26.2) Par.?

jārayāyi / (26.3) Par.?

kāṇukā / (26.4) Par.?

iti // (26.5) Par.?