Texts

uta tvaṃ sakhye sthirapītam āhur nainaṃ hinvanty api vājineṣu / (1.1) Par.?

adhenvā carati māyayaiṣa vācaṃ śuśruvāṁ aphalām apuṣpām // (1.2) Par.?

apy ekaṃ vāksakhye // (2.1) Par.?

sthirapītam āhū ramamāṇaṃ vipītārtham // (3.1) Par.?

devasakhye ramaṇīye sthāna iti vā // (4.1) Par.?

vijñātārtham // (5.1) Par.?

yaṃ nāpnuvanti vāgjñeyeṣu balavatsv api // (6.1) Par.?

adhenvā hy eṣa carati māyayā // (7.1) Par.?

vākpratirūpayā // (8.1) Par.?

nāsmai kāmān dugdhe vāg dohyān devamanuṣyasthāneṣu yo vācaṃ śrutavān bhavaty aphalām apuṣpām iti // (9.1) Par.?

aphalāsmā apuṣpā vāg bhavatīti vā // (10.1) Par.?

kiṃcitpuṣpaphaleti vā // (11.1) Par.?

arthaṃ vācaḥ puṣpaphalam āha // (12.1) Par.?

yājñadaivate puṣpaphale // (13.1) Par.?

devatādhyātme vā // (14.1) Par.?

sākṣāt kṛtadharmāṇa ṛṣayo babhūvuḥ // (15.1) Par.?

te 'varebhyo 'sākṣātkṛtadharmabhya upadeśena mantrān saṃprāduḥ // (16.1) Par.?

upadeśāya glāyanto 'vare bilmagrahaṇāyemaṃ granthaṃ samāmnāsiṣuḥ // (17.1) Par.?

vedaṃ ca vedāṅgāni ca // (18.1) Par.?

bilmaṃ bhilmaṃ bhāsanam iti vā // (19.1) Par.?

etāvantaḥ samānakarmāṇo dhātavaḥ // (20.1) Par.?

dhātur dadhāteḥ // (21.1) Par.?

etāvanty asya sattvasya nāmadheyāni // (22.1) Par.?

etāvatām arthānām idam abhidhānam // (23.1) Par.?

naighaṇṭukam idaṃ devatānāma // (24.1) Par.?

prādhānyenedam iti // (25.1) Par.?

tad yad anyadevate mantre nipatati naighaṇṭukaṃ tat // (26.1) Par.?

aśvaṃ na tvā vāravantam // (27.1) Par.?

aśvam iva tvā vālavantam // (28.1) Par.?

vālā daṃśavāraṇārthā bhavanti // (29.1) Par.?

daṃśo daśateḥ // (30.1) Par.?

mṛgo na bhīmaḥ kucaro giriṣṭhāḥ // (31.1) Par.?

mṛga iva bhīmaḥ kucaro giriṣṭhāḥ // (32.1) Par.?

mṛgo mārṣṭer gatikarmaṇaḥ // (33.1) Par.?

bhīmo bibhyaty asmād bhīṣmo 'py etasmād eva // (34.1) Par.?

kucara iti carati karma kutsitam // (35.1) Par.?

atha ced devatābhidhānam // (36.1) Par.?

kvāyaṃ na caratīti // (37.1) Par.?

giriṣṭhā giristhāyī // (38.1) Par.?

giriḥ parvataḥ // (39.1) Par.?

samudgīrṇo bhavati // (40.1) Par.?

parvavān parvataḥ // (41.1) Par.?

parva punaḥ pṛṇāteḥ prīṇāter vā // (42.1) Par.?

ardhamāsaparva // (43.1) Par.?

devān asmin prīṇantīti // (44.1) Par.?

tat prakṛtītaratsandhisāmānyāt // (45.1) Par.?

meghasthāyī // (46.1) Par.?

megho 'pi girir etasmād eva // (47.1) Par.?

tad yāni nāmāni prādhānyastutīnāṃ devatānāṃ tad daivatam ity ācakṣate // (48.1) Par.?

tad upariṣṭād vyākhyāsyāmaḥ // (49.1) Par.?

naighaṇṭukāni naigamānīheha // (50.1) Par.?