Texts

oghaḥ // (1) Par.?

meghaḥ // (2) Par.?

nādhaḥ // (3) Par.?

gādhaḥ // (4) Par.?

vadhūḥ // (5) Par.?

madhv iti // (6) Par.?

athāpi varṇopajanaḥ // (7) Par.?

āsthat // (8) Par.?

dvāraḥ // (9) Par.?

bharūjeti // (10) Par.?

tad yatra svarād anantarāntasthāntardhātur bhavati tad dviprakṛtīnāṃ sthānam iti pradiśanti // (11) Par.?

tatra siddhāyām anupapadyamānāyām itarayopapipādayiṣet // (12) Par.?

tatrāpy eke 'lpaniṣpattayo bhavanti // (13) Par.?

tad yathaitat // (14) Par.?

ūtiḥ // (15) Par.?

mṛduḥ // (16) Par.?

pṛthuḥ // (17) Par.?

pṛṣataḥ // (18) Par.?

kuṇārum iti // (19) Par.?

athāpi bhāṣikebhyo dhātubhyo naigamāḥ kṛto bhāṣyante // (20) Par.?

damūnāḥ // (21) Par.?

kṣetrasādhā iti // (22) Par.?

athāpi naigamebhyo bhāṣikāḥ // (23) Par.?

uṣṇam // (24) Par.?

ghṛtam iti // (25) Par.?

athāpi prakṛtaya evaikeṣu bhāṣyante // (26) Par.?

vikṛtaya ekeṣu // (27) Par.?

śavatir gatikarmā kambojeṣv eva bhāṣyate // (28) Par.?

kambojāḥ kambalabhojāḥ // (29) Par.?

kamanīyabhojā vā // (30) Par.?

kambalaḥ kamanīyo bhavati // (31) Par.?

vikāram asyāryeṣu bhāṣante // (32) Par.?

śava iti // (33) Par.?

dātir lavanārthe prācyeṣu // (34) Par.?

dātram udīcyeṣu // (35) Par.?

evam ekapadāni nirbrūyāt // (36) Par.?

atha taddhitasamāseṣv ekaparvasu vānekaparvasu ca pūrvaṃ pūrvam aparam aparaṃ pravibhajya nirbrūyāt // (37) Par.?

daṇḍyaḥ puruṣaḥ // (38) Par.?

daṇḍam arhatīti vā // (39) Par.?

daṇḍena sampadyata iti vā // (40) Par.?

daṇḍo dadater dhārayatikarmaṇaḥ // (41) Par.?

akrūro dadate maṇim ity abhibhāṣante // (42) Par.?

damanād ity aupamanyavaḥ // (43) Par.?

daṇḍam asyākarṣatīti garhāyām // (44) Par.?

kakṣyā rajjur aśvasya // (45) Par.?

kakṣaṃ sevate // (46) Par.?

kakṣo gāhateḥ // (47) Par.?

ksa iti nāmakaraṇaḥ // (48) Par.?

khyāter vānarthako 'bhyāsaḥ // (49) Par.?

kim asmin khyānam iti // (50) Par.?

kaṣater vā // (51) Par.?

tatsāmānyān manuṣyakakṣaḥ // (52) Par.?

bāhumūlasāmānyād aśvasya // (53) Par.?