Texts

Help

Select a text:
Bibliography
Select a chapter:
 (no revisions)
Associated topic(s): Language, Mīmāṃsā

Show parallels  Show headlines
Use dependency labeler
Chapter id: 17338
  • Click on a sentence to show its analysis
  • Keep the mouse pointer over a lemma to show its meanings.
atha ye hetuvan nigadāḥ sūrpeṇa juhoti tena hy annaṃ kriyata ityevamādayaḥ // (1) Par.?
teṣu saṃdehaḥ kiṃ stutis teṣāṃ kāryam uta hetur iti // (2) Par.?
kiṃ prāptam // (3) Par.?
hetuḥ syād annakaraṇaṃ homasya // (4) Par.?
nanv aprasiddhe kāryakāraṇabhāve na hetūpadeśaḥ // (5) Par.?
satyam evaṃ loke vidhāyiṣyate tu vacanena vede // (6) Par.?
sūrpeṇa home kartavye 'nnakaraṇaṃ hetur ity upadiśyate // (7) Par.?
kiṃ prayojanam // (8) Par.?
anyad api darvipīṭharādy annakaraṇaṃ yat tenāpi nāma kathaṃ homaḥ kriyeteti // (9) Par.?
kutaḥ // (10) Par.?
tasyāpy annakriyāyām arthavattā śakyate ca tenāpy annaṃ kartum // (11) Par.?
etaddhi kriyata ity ucyate // (12) Par.?
na hi vartamānakālaḥ kaścid asti yasyāyaṃ pratinirdeśaḥ // (13) Par.?
hetau ca śrutiḥ śabdaḥ stutau lakṣaṇā // (14) Par.?
yadi ca darvipīṭharādi na sākṣād annaṃ karotīti nānnakaraṇam ity ucyate // (15) Par.?
vyarthe tasmin sūrpastutir anarthikā syāt // (16) Par.?
sūrpam api hi na sākṣād annaṃ karotīti tena vinārthena sūrpasya stutir nopapadyate // (17) Par.?
Duration=0.075390100479126 secs.