Texts

Help

Select a text:
Bibliography

Select a chapter:
(no revisions)

Associated topic(s): Mīmāṃsā, meaninglessness

Show parallels Show headlines
Use dependency labeler

Chapter id: 17362

Click on a sentence to show its analysis
Keep the mouse pointer over a lemma to show its meanings.

aviśiṣṭas tu loke prayujyamānānāṃ vede ca padānām arthaḥ // (1) Par.?

sa yathaiva loke vivakṣitas tathaiva vede 'pi bhavitum arhati // (2) Par.?

naivaṃ loke tair arthair avabuddhaiḥ saṃvyavahāraḥ // (3) Par.?

iha devatābhir apratyakṣābhir yajñāṅgaiś cācetanaiḥ saṃlāpe na kaścid yajñasyopakāraḥ // (4) Par.?

yady adṛṣṭaṃ parikalpyetoccāraṇād eva tad bhavitum arhati // (5) Par.?

yaddhi kartavyaṃ tat prayojanavad uccāraṇaṃ ca na kathaṃcit na kartavyaṃ yady apūrvāya yady arthāya // (6) Par.?

yady artho na pratyāyyate na kiṃcid anarthakam // (7) Par.?

yadi na prayujyate samāmnānānarthakyam // (8) Par.?

tasmād uccāraṇād apūrvam // (9) Par.?

tathā ca tadarthaśāstrād uktam // (10) Par.?

tad ucyate 'rthapratyāyanārtham eva yajñe mantroccāraṇam // (11) Par.?

yad uktaṃ na devatābhir yajñāṅgaiś ca saṃlāpe prayojanam astīti yajñe yajñāṅgaprakāśanam eva prayojanam // (12) Par.?

kathaṃ na hy aprakāśite yajñe yajñāṅge ca yāgaḥ śakyo 'bhinirvartayitum // (13) Par.?

tasmāt tannirvṛttyartham arthaprakāśanaṃ mahānupakāraḥ karmaṇas tac ca karotīty avagamyate // (14) Par.?

tasmād asty asya prayojanam // (15) Par.?

tac ca dṛṣṭaṃ na śakyam apavadituṃ nārthābhidhānaṃ prayojanam iti // (16) Par.?

nanv arthābhidhānenopakurvatsu tāṃ caturbhir ādatta ityevamādy anarthakaṃ bhavatu na jātucid apajānīmahe dṛṣṭam arthābhidhānasyopakārakatvam // (17) Par.?

atha kiṃ tacchāstraṃ anarthakam eva // (18) Par.?

na hi // (19) Par.?

Duration=0.079007148742676 secs.