Texts

hiraṇyanāmāny uttarāni pañcadaśa // (1) Par.?

hiraṇyaṃ kasmāt // (2) Par.?

hriyata āyamyamānam iti vā // (3) Par.?

hriyate janāj janam iti vā // (4) Par.?

hitaramaṇaṃ bhavatīti vā // (5) Par.?

hṛdayaramaṇaṃ bhavatīti vā // (6) Par.?

haryater vā syāt prepsākarmaṇaḥ // (7) Par.?

antarikṣanāmāny uttarāni ṣoḍaśa // (8) Par.?

antarikṣaṃ kasmāt // (9) Par.?

antarā kṣāntaṃ bhavati // (10) Par.?

antar ime iti vā // (11) Par.?

śarīreṣv antar akṣayam iti vā // (12) Par.?

tatra samudra ity etat pārthivena samudrena saṃdihyate // (13) Par.?

samudraḥ kasmāt // (14) Par.?

samuddravanty asmād āpaḥ // (15) Par.?

samabhidravanty enam āpaḥ // (16) Par.?

saṃmodante 'smin bhūtāni // (17) Par.?

samudako bhavati // (18) Par.?

samunattīti vā // (19) Par.?

tayor vibhāgaḥ // (20) Par.?

tatretihāsam ācakṣate // (21) Par.?

devāpiś cārṣṭiṣeṇaḥ śantanuś ca kauravyau bhrātarau babhūvatuḥ // (22) Par.?

sa śantanuḥ kanīyān abhiṣecayāṃcakre // (23) Par.?

devāpis tapaḥ pratipede // (24) Par.?

tataḥ śāntano rājye dvādaśa varṣāni devo na vavarṣa // (25) Par.?

tam ūcur brāhmaṇāḥ // (26) Par.?

adharmas tvayā caritaḥ // (27) Par.?

jyeṣṭhaṃ bhrātaram antarityābhiṣecitam // (28) Par.?

tasmāt te devo na varṣatīti // (29) Par.?

sa śantanur devāpiṃ śiśikṣa rājyena // (30) Par.?

tam uvāca devāpiḥ // (31) Par.?

purohitas te 'sāni // (32) Par.?

yājayāni ca tveti // (33) Par.?

tasyaitad varṣakāmasūktam // (34) Par.?

tasyaiṣā bhavati // (35) Par.?