Texts

Help

Select a text:
Bibliography

Select a chapter:
(no revisions)

Associated topic(s): Mīmāṃsā, authority of the Veda

Show parallels Show headlines
Use dependency labeler

Chapter id: 17384

Click on a sentence to show its analysis
Keep the mouse pointer over a lemma to show its meanings.

api veti pakṣo vyāvartyate // (1) Par.?

pramāṇaṃ smṛtir vijñānaṃ hi tat // (2) Par.?

kim ity anyathā bhaviṣyati // (3) Par.?

pūrvavijñānam asya nāsti kāraṇābhāvād iti cet // (4) Par.?

asyā eva smṛter draḍhimnaḥ kāraṇam anumāsyāmahe // (5) Par.?

tat tu nānubhavanam anupapattyā // (6) Par.?

na hi manuṣyā ihaiva janmany evaṃjātīyakam artham anubhavituṃ śaknuvanti // (7) Par.?

janmāntarānubhūtaṃ ca na smaryate // (8) Par.?

granthas tv anumīyeta kartṛsāmānyāt smṛtivaidikapadārthayoḥ // (9) Par.?

tenopapanno vedasaṃyogas traivarṇikānām // (10) Par.?

nanu nopalabhanta evaṃjātīyakaṃ grantham // (11) Par.?

anupalabhamānā apy anumimīran vismaraṇam apy upapadyata iti // (12) Par.?

tadupapannatvāt pūrvavijñānasya traivarṇikānāṃ smaratāṃ vismaraṇasya copapannatvād granthānumānam upapadyata iti pramāṇaṃ smṛtiḥ // (13) Par.?

aṣṭakāliṅgāś ca mantrā vede dṛśyante yāñ janāḥ pratinandantītyevamādayaḥ // (14) Par.?

tathā pratyupasthitaniyamānām ācārāṇāṃ dṛṣṭārthatvād eva prāmāṇyaṃ guror anugamāt prīto gurur adhyāpayiṣyati granthagranthibhedinaś ca nyāyān parituṣṭo vakṣyatīti // (15) Par.?

tathā ca darśayati tasmāc chreyāṃsaṃ pūrvaṃ yantaṃ pāpīyān paścād anvetīti // (16) Par.?

prapāstaḍāgāni ca paropakārāya na dharmāyety evāvagamyate // (17) Par.?

tathā ca darśanaṃ dhanvann iva prapā asīti // (18) Par.?

tathā sthalayodakaṃ parigṛhṇantīti ca // (19) Par.?

gotracihnaṃ śikhākarma darśanaṃ ca yatra bāṇāḥ saṃpatanti kumārā viśikhā iveti // (20) Par.?

tena ye dṛṣṭārthās te tata eva pramāṇam // (21) Par.?

ye tv adṛṣṭārthās teṣu vaidikaśabdānumānam iti // (22) Par.?

Duration=0.10686898231506 secs.