Texts

om atha purohitakarmāṇi / (1.1) Par.?

rājñaḥ prātar utthitasya kṛtasvastyayanasya // (1.2) Par.?

atha purohitaḥ snātānuliptaḥ śuciḥ śuklavāsāḥ soṣṇīṣaḥ savitā prasavānām iti vyākhyātam // (2.1) Par.?

imam indra vardhayety uktam // (3.1) Par.?

pari dhatteti dvābhyāṃ rājño vastram abhimantrya prayacchet // (4.1) Par.?

yad ābadhnann ity alaṃkārān // (5.1) Par.?

siṃhe vyāghra iti siṃhāsanam // (6.1) Par.?

yas te gandha iti gandhān // (7.1) Par.?

ehi jīvaṃ trāyamāṇam ity akṣiṇī aṅkte // (8.1) Par.?

vātaraṃhā ity aśvam // (9.1) Par.?

hastivarcasam iti hastinam // (10.1) Par.?

yat te mātā yat te piteti narayānam // (11.1) Par.?

khaḍgaṃ cābhimantrayāmīti khaḍgam // (12.1) Par.?

khaḍgaṃ cābhimantrayāmi yaḥ śatrūn mardayiṣyati / (13.1) Par.?

marditāḥ śatravo 'nena vaśam āyāntu te sadeti // (13.2) Par.?

paryaṅkam āsanaṃ khaḍgaṃ dhvajaṃ chattraṃ sacāmaram / (14.1) Par.?

ratham aśvagajaṃ śreṣṭhaṃ dhanur varma śareṣudhim // (14.2) Par.?

āñjanaṃ gandhamālyāni vastrāṇy ābharaṇāni ca / (15.1) Par.?

sarvān śāntyudakenaitān abhyukṣyec cābhimantrayet // (15.2) Par.?

dūrvādīn mūrdhni nikṣipya svastyayanair abhimantrayet / (16.1) Par.?

abhayaṃ dyāvāpṛthivīty abhimantrito brāhmaṇān praṇipatya prāk // (16.2) Par.?

yuṣmatprasādāc chāntim adhigacchāmīti // (17.1) Par.?

tathāstv ity ukto nirgacched iti // (18.1) Par.?

evaṃkṛtasvastyayano yad evāvalokayati tat sidhyati // (19.1) Par.?

tad api ślokāḥ // (20.1) Par.?

asuraiḥ pīḍyamānas tu purā śakro jagatprabhuḥ / (21.1) Par.?

kārayāmāsa vidhivat purodhastve bṛhaspatim // (21.2) Par.?

sa vṛto bhayabhītena śamanārthaṃ bubhūṣatā / (22.1) Par.?

maṅgalāni sasarjāṣṭāv abhayārthaṃ śatakratoḥ // (22.2) Par.?

proktāni maṅgalāny aṣṭau brāhmaṇo gaur hutāśanaḥ / (23.1) Par.?

bhūmiḥ siddhārthakāḥ sarpiḥ śamī vrīhiyavau tathā // (23.2) Par.?

etāni satataṃ puṇyāni saṃpaśyann arcayann api / (24.1) Par.?

na prāpnoty āpadaṃ rājā śriyaṃ prāpnoty anuttamām // (24.2) Par.?