Texts

ardhavrate pradāya sadyaḥ kuryād āparāhṇikīm // (1.1) Par.?

utsādya gharmapātrāṇy agnīṣomīyāyaupasadaṃ barhiḥ śulbaprabhṛtinā kalpena saṃnahyati // (2.1) Par.?

idhme paridhīn upasaṃnahyati // (3.1) Par.?

uttaravedeḥ prokṣaṇaprabhṛti siddham ā pūrṇāhuteḥ // (4.1) Par.?

vedyāṃ padāni lobhayante yāvanto dakṣiṇatas tāvanta uttarataḥ // (5.1) Par.?

avyatikrāmantaḥ pṛṣṭhyāṃ parāñco 'bhyavasarpanti // (6.1) Par.?

utkare lobhanāni pravidhyanti // (7.1) Par.?

nāprokṣitām ākrāmanti // (8.1) Par.?

uttaraṃ parigrāhaṃ parigṛhya pratyavamṛjyāgreṇa pṛṣṭhyāśaṅkuṃ tiryañcaṃ sphyaṃ stabdhvā prokṣaṇīr āsādayedhmābarhir upasādaya srucaḥ saṃmṛḍḍhy ājyenodehīti saṃśāsti // (9.1) Par.?

dakṣiṇataḥ prokṣaṇīr āsādyottaram idhmābarhir upasādayati // (10.1) Par.?

udīraṇaprabhṛti siddham ā barhiṣaḥ prokṣaṇāt // (11.1) Par.?

idhmābarhir nidhāya saṃtatām ulaparājiṃ stṛṇāti pṛṣṭhyāśaṅkor adhy ottaravedeḥ // (12.1) Par.?

havirdhānayoḥ prathamakṛtān granthīn visraṃsya prakṣālyābhyajyābhinahyābhitaḥ pṛṣṭhyām aratnimātre 'vasthāpayanti / (13.1) Par.?

bahirvedi cakrāṇy antarvedy upastambhanāni // (13.2) Par.?

yuñjate mana uta yuñjate dhiya iti śālāmukhīye juhoti // (14.1) Par.?

havirdhānayor dakṣiṇe 'kṣadhurau rājakrayaṇīpadārdhena devaśrutau deveṣv āghoṣethām iti patny upānakti trir anyāṃ trir anyāṃ prācīm anivartayantī // (15.1) Par.?

havirdhānābhyāṃ pravartyamānābhyām anubrūhīty anuvācayati // (16.1) Par.?

trir anūktāyām apa janyaṃ bhayaṃ nudeti sachadiṣke pravartayanti // (17.1) Par.?

udgṛhṇanto 'varāvaram antarvedy avasthāpya ye dhurāv upāñjanti tayor vartmani vedisaṃdhau hiraṇyaṃ nidhāyābhijuhotīdaṃ viṣṇur vicakrama iti dakṣiṇasminn irāvatī dhenumatīty uttarasmin // (18.1) Par.?

udgṛhṇanto 'nuvrajanti // (19.1) Par.?

yady akṣa utkṣvedet suvāg āvada deva duryān iti japet // (20.1) Par.?

paścād uttaravedes triṣu prakrameṣv atra ramethāṃ varṣman pṛthivyā adhīti nabhyasthe 'vasthāpya paridadhāti // (21.1) Par.?

vaiṣṇavam asīty uttarām īṣām ārabhya japati // (22.1) Par.?

viṣṇus tvottabhnātv ity upastabhnoty evam uttaram // (23.1) Par.?

havirdhānayor īṣe dakṣiṇe methyāv upanihanti divo viṣṇa iti dakṣiṇāṃ viṣṇor nu kam ity uttarām // (24.1) Par.?

īṣe methyor nibadhnāti granthim akurvan // (25.1) Par.?

ā vām upastham adruheti prācīnavaṃśaṃ havirdhānaṃ minoti // (26.1) Par.?

viṣṇoḥ pṛṣṭham asīti madhye chadir ādadhāti / (27.1) Par.?

paścāt prathīyaḥ // (27.2) Par.?

pūrvārdhe chadiranteṣv aṃsadaghnīṃś catasraḥ sthūṇā nihatyodañcaṃ vaṃśam avadadhāty evaṃ paścāddhrasīyasīṣu // (28.1) Par.?

tejanyāṃ madhye darbhāṇāṃ varasaṃ karoti // (29.1) Par.?

darbhān pratyupakarṣaṃ rajjvānuparihāraṃ samasya tejanyantau viṣṇo rarāṭam asīti pūrvārdhe vaṃśe 'bhyādadhāti // (30.1) Par.?

pariśritya dakṣiṇasmin vaṃśānte tejanyāṃ darbhān ādhāya viṣṇoḥ śipre stha ity antau vyavāsyati // (31.1) Par.?

viṣṇoḥ syūr asīti pravayati // (32.1) Par.?

viṣṇor dhruvo 'sīti prathamaṃ granthiṃ karoti // (33.1) Par.?

āntāt pratiṣīvyet // (34.1) Par.?

aparaṃ vaṃśaṃ pratiṣīvya dvāryāḥ pratiṣīvyati // (35.1) Par.?

ūrdhvāḥ śamyā utkṛṣya sambadhnāti // (36.1) Par.?

vaiṣṇavam asi viṣṇave tveti saṃmitam abhimantryāhavanīyād yajamānaḥ prācas trīn prakramān prakramya pra tad viṣṇur iti japati // (37.1) Par.?

dakṣiṇasya havirdhānasya paścād upastambhanasya dviprādeśaṃ caturasraṃ vidhāya // (38.1) Par.?