Texts

pravargyeṇa pracaryopasadā pracaraty upasadā vā pracarya pravargyeṇa pracarati // (1) Par.?

yad ātithyāyā barhis tad upasadāṃ tad agnīṣomīyasya tat prastaraparidhi // (2) Par.?

stīrṇaṃ prastarabarhir upasatsu śayāḥ paridhayaḥ // (3) Par.?

upasadas tantraṃ vyākhyāsyāmaḥ // (4) Par.?

tasyām ājyaṃ haviḥ // (5) Par.?

agniḥ somo viṣṇur devatāḥ // (6) Par.?

upāṃśuyājena kalpo vyākhyātaḥ // (7) Par.?

agnīn anvādhāya ṣoḍaśadārum idhmaṃ saṃnahyati // (8) Par.?

vedaṃ kṛtvāgnīn paristīrya pāṇī prakṣālyolaparājīṃ stīrtvā yathārtham ājyapātrāṇi prayunakti sphyaṃ sruvaṃ sruca ājyasthālīṃ yena cārthaḥ // (9) Par.?

pavitre kṛtvā yajamāna vācaṃ yaccheti saṃpreṣyati vāgyataḥ pātrāṇi saṃmṛśati prokṣiteṣu vācaṃ visṛjate // (10) Par.?

sphyam ādāya stīrṇāyā veder lomabhyo 'dhi stambayajur haraty uttaraṃ parigrāhaṃ parigṛhya saṃpraiṣeṇa pratipadyate // (11) Par.?

yad anyad barhiṣaḥ patnīsaṃnahanāc ca tat saṃpreṣyati // (12) Par.?

yat prāg ājyagrahaṇāt tat kṛtvā dhruvāyām eva gṛhṇāti // (13) Par.?

prokṣaṇīr abhimantrya brahmāṇam āmantryedhmaṃ vediṃ ca prokṣya prokṣaṇyavaśeṣaṃ ninīya pavitre apisṛjyāgnim abhimantrya pūrvām āghārasamidham ādhāya dhruvāṃ sruvaṃ ca sādayaty eṣāsadad iti mantraṃ saṃnamati viṣṇv asi vaiṣṇavaṃ dhāma prājāpatyam ity ājyam abhimantrayate // (14) Par.?

vedaṃ nidhāya sāmidhenībhyaḥ saṃpreṣyati navadhedhmaṃ prativibhajya sarvam idhmam ādadhāti // (15) Par.?

oḍhāsu devatāsv agnim upavājya sruvāghāram āghāryāgnīt paridhīṃś cāgniṃ ca tristriḥ saṃmṛḍḍhīti saṃpreṣyati saṃmṛṣṭe pravaraṃ pravṛṇīte yathā mahāpitṛyajñe sīda hotar ity uktvā // (16) Par.?