Texts

dyutānas tvā māruto minotv iti prācīnakarṇāṃ sahodgātrā minoti // (1.1) Par.?

ūrdhvaṃ nikhātād yajamānasaṃmitā // (2.1) Par.?

paryūhaṇaparidṛṃhaṇapariṣecanāni yūpavat // (3.1) Par.?

tasyā viśākhe hiraṇyaṃ nidhāya ghṛtena dyāvāpṛthivī āpṛṇethām iti sruveṇa hiraṇye juhvad āntam audumbarīm anvavasrāvayati // (4.1) Par.?

eṣā sadasaḥ sthūṇānāṃ varṣiṣṭhā // (5.1) Par.?

nābhidaghnyaḥ paryantīyāḥ // (6.1) Par.?

nīcaiḥ sado minuyād vṛṣṭikāmasya / (7.1) Par.?

uccair avṛṣṭikāmasyety eke // (7.2) Par.?

udañcaḥ prācaś ca vaṃśān atyādhāyaindram asīti teṣu madhyamāni trīṇi chadīṃṣy adhyūhati // (8.1) Par.?

viśvajanasya chāyeti trīṇi dakṣiṇāni / (9.1) Par.?

indrasya sado 'sīti trīṇy uttarāṇi // (9.2) Par.?

dakṣiṇāny uttarāṇi caudumbarīm abhyagrāṇi bhavanti // (10.1) Par.?

dakṣiṇāny uttarāṇi karotīti vijñāyate // (11.1) Par.?

navacchadīti kāmyāni // (12.1) Par.?

navāgniṣṭome / (13.1) Par.?

pañcadaśokthye / (13.2) Par.?

ṣoḍaśa ṣoḍaśini / (13.3) Par.?

saptadaśa vājapeye 'tirātre ca / (13.4) Par.?

ekaviṃśatiḥ sattrāhīnānām // (13.5) Par.?

antarvartāḥ pariśrayaṇaṃ sāṃkāśinaṃ dvārāv iti havirdhānavat // (14.1) Par.?

indrasya syūr asīti sīvyati / (15.1) Par.?

indrasya dhruvam asīti prajñātaṃ granthiṃ kṛtvaindram asīndrāya tveti saṃmitam abhimṛśati // (15.2) Par.?

nādhvaryuḥ pratyaṅ sado 'tīyāt / (16.1) Par.?

dhiṣṇiyān hotāraṃ vā // (16.2) Par.?

yady atīyād aindriyarcā saṃcaret / (17.1) Par.?

ā ghā ye agnim indhate stṛṇanti barhir ānuṣak / (17.2) Par.?

yeṣām indro yuvā sakheti staraṇīm etām eke samāmananti // (17.3) Par.?

kṣaitrapatyā vā saṃcaret // (18.1) Par.?

uparavakarmaike pūrvaṃ samāmananti / (19.1) Par.?

sadaḥkarmaike // (19.2) Par.?