Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17707

Click on a sentence to show its analysis
Keep the mouse pointer over a lemma to show its meanings.

uttarata āgnīdhrīyaṃ minoti madhye veder ardham antarvedy ardhaṃ bahirvedi prācīnavaṃśaṃ vimitaṃ viminvanti dakṣiṇataupacāram // (1) Par.?

agreṇāparaṃ vedyantaṃ triṣu prakrameṣv aparimite vodīcīnavaṃśaṃ sado dakṣiṇataḥ pratikṛṣṭataraṃ yāvad ṛtvigbhyo dhiṣṇiyebhyaḥ prasarpakebhyaś cāptaṃ manyate // (2) Par.?

dakṣiṇena pṛṣṭhyāṃ prakrame madhye sadasa audumbaryavaṭaḥ // (3) Par.?

abhrer ādānaṃ parilekhanaṃ ca yūpe vyākhyātam // (4) Par.?

dive tveti parastād arvācīṃ prokṣati // (5) Par.?

apām avanayanaṃ yavaprāsanaṃ barhiṣāvastaraṇaṃ ca yūpe vyākhyātam // (6) Par.?

ucchrayasva vanaspate sajūr devena barhiṣeti prācīnakarṇām udgātrā sahocchrayaty ud divaṃ stabhāneti vā // (7) Par.?

dyutānas tvā māruto minotv ity avaṭe 'vadadhāti // (8) Par.?

paryūhaṇaṃ paridṛṃhaṇaṃ pariṣecanaṃ ca yūpe vyākhyātam // (9) Par.?

tasyāḥ karṇe viśākhe vā hiraṇyaṃ nidhāya ghṛtena dyāvāpṛthivī āpṛṇethāṃ svāheti sruveṇābhijuhoti // (10) Par.?

ā mūlād anvavasrāvayati // (11) Par.?

yajamānamātrīsaṃmitā varṣiṣṭhāḥ sthūṇā minuto yathāsuṣṭhu // (12) Par.?

paryantyā nābhidaghnā audumbarīm abhyagrā minoti // (13) Par.?

nīcaiḥ sado vṛṣṭikāmasya minuyād uccair avṛṣṭikāmasya viparītam eke samāmananti // (14) Par.?

nava chadīṃṣy upakﾱptāni bhavanti // (15) Par.?

udīco vaṃśān ādhāya prāco vaṃśān ādadhāti // (16) Par.?

aindram asīti trīṇi madhyamāni chadīṃṣy udañci nidadhāti // (17) Par.?

indrasya sado 'sīti trīṇi dakṣiṇāni viśvajanasya chāyeti trīṇy uttarāṇi // (18) Par.?

dakṣiṇāny uttarāṇi karoty audumbarīm abhisaṃmukhāni // (19) Par.?

navachadi tejaskāmasya minuyād iti brāhmaṇavyākhyātāni kāmyāni chadīṃṣi teṣāṃ yāthākāmī // (20) Par.?

aindram asīndrāya tveti saṃmitam abhimṛśataḥ // (21) Par.?

kaṭāṃs tejanīś ca pravartaṃ chadiṣām antarāleṣv anvavasyanti tān antarvartā ity ācakṣate pari tvā girvaṇo gira ity abhitaḥ pariśrayataḥ pūrvam aparaṃ ca dvāre kuruto 'dhvaryur dakṣiṇāṃ dvāreyīṃ pariṣīvyati pratiprasthātottarām indrasya syūr asīti sīvyata indrasya dhruvo 'sīti granthī kurutas tau prajñātau bhavataḥ // (22) Par.?

prāgvaṃśasya sadohavirdhānayoś ca // (23) Par.?

Duration=0.066510200500488 secs.