Texts

Help

Select a text:
Bibliography
Select a chapter:
 (no revisions)
Associated topic(s): Kashmirian Shivaism

Show parallels  Show headlines
Use dependency labeler
Chapter id: 356
  • Click on a sentence to show its analysis
  • Keep the mouse pointer over a lemma to show its meanings.
bhāvanīyāni yuktena sādhakeneti śiṣyate // (1) Par.?
prāṇādivāhināḍīnāṃ saṃhāraḥ prāṇasaṃyamāt // (2) Par.?
recakādikramotpādād udānadahanātmani // (3) Par.?
madhyanāḍyāṃ vilīnatvāpādanaṃ tanmayatvataḥ // (4) Par.?
bhūtānāṃ bhūjalādīnāṃ jayo yaḥ sa udīryate // (5) Par.?
vāyavī dhāraṇāṅguṣṭhe āgneyī nābhimadhyataḥ // (6) Par.?
māheyī kaṇṭhadeśe tu vāruṇī ghaṇṭikāśritā // (7) Par.?
ākāśadhāraṇā mūrdhni sarvasiddhikarī smṛtā // (8) Par.?
iti svacchandaśāstroktadhāraṇābhir vaśīkṛtiḥ // (9) Par.?
bhūtebhyaḥ kila kaivalyaṃ cittapratyāhṛtis tataḥ // (10) Par.?
pṛthaktvaṃ tadanāliptasvacchasvātmaikarūpatā // (11) Par.?
bhūtasaṃdhāna ityādisūtroktaṃ yat phalaṃ purā // (12) Par.?
aprayatnena sādhyaṃ tacchāmbhavopāyaśālinaḥ // (13) Par.?
āṇavopāyasādhyaṃ tu yatneneti viśiṣyate // (14) Par.?
ity evaṃ dehaśuddhyādyaiḥ samādhyantaiś ca yā bhavet // (15) Par.?
siddhiḥ sā mohavaraṇān nātmajñānād itīryate // (16) Par.?
Duration=0.07547402381897 secs.