Texts

Help

Select a text:
Bibliography
Select a chapter:
 (no revisions)
Associated topic(s): Buddhism

Show parallels  Show headlines
Use dependency labeler
Chapter id: 3664
  • Click on a sentence to show its analysis
  • Keep the mouse pointer over a lemma to show its meanings.
svayaṃ kṛtaṃ parakṛtaṃ dvābhyāṃ kṛtam ahetukam / (1.1) Par.?
duḥkham ityeka icchanti tacca kāryaṃ na yujyate // (1.2) Par.?
svayaṃ kṛtaṃ yadi bhavet pratītya na tato bhavet / (2.1) Par.?
skandhān imān amī skandhāḥ sambhavanti pratītya hi // (2.2) Par.?
yadyamībhya ime 'nye syur ebhyo vāmī pare yadi / (3.1) Par.?
bhavet parakṛtaṃ duḥkhaṃ parair ebhir amī kṛtāḥ // (3.2) Par.?
svapudgalakṛtaṃ duḥkhaṃ yadi duḥkhaṃ punar vinā / (4.1) Par.?
svapudgalaḥ sa katamo yena duḥkhaṃ svayaṃ kṛtam // (4.2) Par.?
parapudgalajaṃ duḥkhaṃ yadi yasmai pradīyate / (5.1) Par.?
pareṇa kṛtvā tad duḥkhaṃ sa duḥkhena vinā kutaḥ // (5.2) Par.?
parapudgalajaṃ duḥkhaṃ yadi kaḥ parapudgalaḥ / (6.1) Par.?
vinā duḥkhena yaḥ kṛtvā parasmai prahiṇoti tat // (6.2) Par.?
svayaṃ kṛtasyāprasiddher duḥkhaṃ parakṛtaṃ kutaḥ / (7.1) Par.?
paro hi duḥkhaṃ yat kuryāt tat tasya syāt svayaṃ kṛtam // (7.2) Par.?
na tāvat svakṛtaṃ duḥkhaṃ na hi tenaiva tat kṛtam / (8.1) Par.?
paro nātmakṛtaścet syād duḥkhaṃ parakṛtaṃ katham // (8.2) Par.?
syād ubhābhyāṃ kṛtaṃ duḥkhaṃ syād ekaikakṛtaṃ yadi / (9.1) Par.?
parākārāsvayaṃkāraṃ duḥkham ahetukaṃ kutaḥ // (9.2) Par.?
na kevalaṃ hi duḥkhasya cāturvidhyaṃ na vidyate / (10.1) Par.?
bāhyānām api bhāvānāṃ cāturvidhyaṃ na vidyate // (10.2) Par.?
Duration=0.10801792144775 secs.