Texts

sūtakāditi // (1) Par.?

sūtaṃ pāradaṃ gandhaṃ gandhakaṃ dvayor iti pāradagandhakayoḥ // (2) Par.?

kanyakā kumārī yāmārdhenoṣṇatā bhūyādityanena taddravyapiṇḍaṃ ghaṭikācatuṣṭayaṃ yāvadgharme dhārayedityarthaḥ // (3) Par.?

tata iti paścāt // (4) Par.?

dattvopari śarāvam ityanena taddravyapiṇḍaṃ pūrvam // (5) Par.?

eraṇḍapatrairveṣṭayitvā paścāttāmrasaṃpuṭe mṛṇmayasaṃpuṭe vā saṃnidhāya tadanu dhānyarāśau sthāpayedityarthaḥ // (6) Par.?

tathā hi / (7.1) Par.?

śuddhaṃ sūtaṃ dvidhā gandhaṃ kṛtvā khalvena kajjalīm / (7.2) Par.?

dvayoḥ samaṃ lohacūrṇaṃ mardayet kanyakādravaiḥ // (7.3) Par.?

yāmadvayāt samuddhṛtya tadgolaṃ tāmrapātrake / (8.1) Par.?

ācchādyairaṇḍapatraiśca yāmārdhenoṣṇatā bhavet / (8.2) Par.?

ityādi // (8.3) Par.?

evamiti pūrvoktavidhinā sarvāṇi lohāni kāntatīkṣṇamuṇḍaprabhṛtīni svarṇādīni api anayā yuktyā ca mārayediti bhāvaḥ // (9) Par.?

ādiśabdagrahaṇāt raupyatāmrādayaḥ // (10) Par.?

aparamapi śilāgandhārkadugdhāktā ityādi sugamam // (11) Par.?

satyamityanena vāritaraṃ bhavedityarthaḥ // (12) Par.?

yathā guruvacastathātra boddhavyam // (13) Par.?

etena kimuktaṃ mṛtaṃ lohaṃ tu paścāt saṃskāritaṃ kuryādityabhiprāyaḥ // (14) Par.?

tathā hi / (15.1) Par.?

ghṛtatulyaṃ mṛtaṃ lohaṃ lohapātragataṃ pacet / (15.2) Par.?

jīrṇe ghṛtaṃ samādāya yogavāheṣu yojayet / (15.3) Par.?

ityādi // (15.4) Par.?