Texts

Help

Select a text:
Bibliography
Select a chapter:
 (no revisions)
Associated topic(s): Dharmaśāstra

Show parallels  Show headlines
Use dependency labeler
Chapter id: 5399
  • Click on a sentence to show its analysis
  • Keep the mouse pointer over a lemma to show its meanings.
trayaḥ puruṣasyātiguravo bhavanti // (1.1) Par.?
mātā pitā ācāryaśca // (2.1) Par.?
teṣāṃ nityam eva śuśrūṣuṇā bhavitavyam // (3.1) Par.?
yat te brūyustat kuryāt // (4.1) Par.?
teṣāṃ priyahitam ācaret // (5.1) Par.?
na tair ananujñātaḥ kiṃcid api kuryāt // (6.1) Par.?
eta eva trayo vedā eta eva trayaḥ surāḥ / (7.1) Par.?
eta eva trayo lokā eta eva trayo 'gnayaḥ // (7.2) Par.?
pitā gārhapatyo 'gniḥ dakṣiṇāgnir mātā gurur āhavanīyaḥ // (8.1) Par.?
sarve tasyādṛtā dharmā yasyaite traya ādṛtāḥ / (9.1) Par.?
anādṛtās tu yasyaite sarvās tasyāphalāḥ kriyāḥ // (9.2) Par.?
imaṃ lokaṃ mātṛbhaktyā pitṛbhaktyā tu madhyamam / (10.1) Par.?
guruśuśrūṣayā tveva brahmalokaṃ samaśnute // (10.2) Par.?
Duration=0.03889799118042 secs.