Texts

Help

Select a text:
Bibliography
Select a chapter:
 (no revisions)
Associated topic(s): Vaiśeṣika

Show parallels  Show headlines
Use dependency labeler
Chapter id: 6743
  • Click on a sentence to show its analysis
  • Keep the mouse pointer over a lemma to show its meanings.
rūparasagandhasparśavatī pṛthivī // (1) Par.?
rūparasasparśavatya āpo dravāḥ snigdhāśca // (2) Par.?
tejo rūpasparśavat // (3) Par.?
vāyuḥ sparśavān // (4) Par.?
ta ākāśe na vidyante // (5) Par.?
sarpirjatumadhūcchiṣṭānāṃ pārthivānām agnisaṃyogād dravatādbhiḥ sāmānyam // (6.1) Par.?
trapusīsaloharajatasuvarṇānāṃ taijasānām agnisaṃyogād dravatādbhiḥ sāmānyam // (7) Par.?
viṣāṇī kakudmān prāntevāladhiḥ sāsnāvāniti gotve dṛṣṭaṃ liṅgam // (8) Par.?
sparśaśca // (9) Par.?
na ca dṛṣṭānāṃ sparśa ityadṛṣṭaliṅgo vāyuḥ // (10) Par.?
adravyavattvād dravyam // (11.1) Par.?
kriyāvattvād guṇavattvācca // (12.1) Par.?
adravyavattvena nityatvamuktam // (13) Par.?
vāyor vāyusaṃmūrcchanaṃ nānātve liṅgam // (14.1) Par.?
vāyuriti sati sannikarṣe pratyakṣābhāvād dṛṣṭaṃ liṅgaṃ na vidyate // (15) Par.?
sāmānyatodṛṣṭāccāviśeṣaḥ // (16) Par.?
tasmādāgamikam // (17.1) Par.?
saṃjñākarma tvasmadviśiṣṭānāṃ liṅgam // (18.1) Par.?
pratyakṣapūrvakatvāt saṃjñākarmaṇaḥ // (19) Par.?
niṣkramaṇaṃ praveśanamityākāśasya liṅgam // (20.1) Par.?
tadaliṅgamekadravyavattvātkarmaṇaḥ // (21.1) Par.?
kāraṇāntarānukﾱptivaidharmyācca // (22.1) Par.?
saṃyogādabhāvaḥ karmaṇaḥ // (23.1) Par.?
kāraṇaguṇapūrvaḥ kārye guṇo dṛṣṭaḥ kāryāntarāprādurbhāvācca śabdaḥ sparśavatāmaguṇaḥ // (24) Par.?
paratra samavāyātpratyakṣatvācca nātmaguṇo na manoguṇaḥ // (25.1) Par.?
liṅgamākāśasya // (26.1) Par.?
dravyatvanityatve vāyunā vyākhyāte // (27.1) Par.?
tattvaṃ bhāvena // (28.1) Par.?
Duration=0.076463937759399 secs.