Texts

Help

Select a text:
Bibliography

Select a chapter:
(no revisions)

Associated topic(s): Yoga

Show parallels Show headlines
Use dependency labeler

Chapter id: 7142

Click on a sentence to show its analysis
Keep the mouse pointer over a lemma to show its meanings.

dṛśimātra iti dṛkśaktir eva viśeṣaṇāparāmṛṣṭety arthaḥ // (1.1) Par.?

sa puruṣo buddheḥ pratisaṃvedī // (2.1) Par.?

sa buddher na sarūpo nātyantaṃ virūpa iti // (3.1) Par.?

na tāvat sarūpaḥ // (4.1) Par.?

kasmāt // (5.1) Par.?

jñātājñātaviṣayatvāt pariṇāminī hi buddhiḥ tasyāśca viṣayo gavādir ghaṭādir vā jñātaścājñātaśceti pariṇāmitvaṃ darśayati // (6.1) Par.?

sadājñātaviṣayatvaṃ tu puruṣasyāpariṇāmitvaṃ paridīpayati // (7.1) Par.?

kasmāt // (8.1) Par.?

na hi buddhiśca nāma puruṣaviṣayaśca syād gṛhītāgṛhītā ceti siddhaṃ puruṣasya sadājñātaviṣayatvaṃ tataścāpariṇāmitvam iti // (9.1) Par.?

kiṃ ca parārthā buddhiḥ saṃhatyakāritvāt svārthaḥ puruṣa iti // (10.1) Par.?

tathā sarvārthādhyavasāyakatvāt triguṇā buddhis triguṇatvād acetaneti // (11.1) Par.?

guṇānāṃ tūpadraṣṭā puruṣa iti // (12.1) Par.?

ato na sarūpaḥ // (13.1) Par.?

astu tarhi virūpa iti // (14.1) Par.?

nātyantaṃ virūpaḥ // (15.1) Par.?

kasmāt // (16.1) Par.?

śuddho 'pyasau pratyayānupaśyaḥ // (17.1) Par.?

yataḥ pratyayaṃ bauddham anupaśyati // (18.1) Par.?

tam anupaśyann atadātmāpi tadātmaka iva pratyavabhāsate // (19.1) Par.?

tathā coktam / (20.1) Par.?

apariṇāminī hi bhoktṛśaktir apratisaṃkramā ca pariṇāminyarthe pratisaṃkrānteva tadvṛttim anupatati tasyāśca prāptacaitanyopagraharūpāyā buddhivṛtter anukāramātratayā buddhivṛttyaviśiṣṭā hi jñānavṛttir ity ākhyāyate // (20.2) Par.?

Duration=0.052726984024048 secs.