Texts

Help

Select a text:
Bibliography
Select a chapter:
 (no revisions)
Associated topic(s): Logic, Nyāya

Show parallels  Show headlines
Use dependency labeler
Chapter id: 8293
  • Click on a sentence to show its analysis
  • Keep the mouse pointer over a lemma to show its meanings.
pratijñāhāniḥ pratijñāntaraṃ pratijñāvirodhaḥ pratijñāsaṃnyāso hetvantaram arthāntaraṃ nirarthakam avijñātārtham apārthakam aprāptakālaṃ nyūnam adhikaṃ punaruktam ananubhāṣaṇam ajñānam apratibhā vikṣepo matānujñā paryanuyojyopekṣaṇaṃ niranuyojyānuyogo 'pasiddhānto hetvābhāsāśca nigrahasthānāni // (1) Par.?
nigrahasthānapañcakaprakaraṇam
pratidṛṣṭāntadharmābhyanujñā svadṛṣṭānte pratijñāhāniḥ // (2) Par.?
pratijñātārthapratiṣedhadharmavikalpāt tadarthanirdeśaḥ pratijñāntaram // (3) Par.?
pratijñāhetvorvirodhaḥ pratijñāvirodhaḥ // (4) Par.?
pakṣapratiṣedhe pratijñātārthāpanayanaṃ pratijñāsaṃnyāsaḥ // (5) Par.?
aviśeṣokte hetau pratiṣiddhe viśeṣamicchato hetvantaram // (6) Par.?
nigrahasthānacatuṣkaprakaraṇam
prakṛtādarthād apratisambaddhārtham arthāntaram // (7) Par.?
varṇakramanirdeśavannirarthakam // (8) Par.?
pariṣatprativādibhyāṃ trirabhihitam apy avijñātam avijñātārtham // (9) Par.?
paurvāparyāyogād apratisambaddhārtham apārthakam // (10) Par.?
nigrahasthānatrikaprakaraṇam
avayavaviparyāsavacanam aprāptakālam // (11) Par.?
hīnam anyatamenāpyavayavena nyūnam // (12) Par.?
hetūdāharaṇādhikam adhikam // (13) Par.?
punaruktinigrahasthānaprakaraṇam
śabdārthayoḥ punarvacanaṃ punaruktam anyatrānuvādāt // (14) Par.?
anuvāde tu apunaruktaṃ śabdābhyāsāt arthaviśeṣopapatteḥ // (15) Par.?
arthāt āpannasya svaśabdena punarvacanam // (16) Par.?
uttaravirodhinigrahasthānacatuṣkaprakaraṇam
vijñātasya pariṣadā trir abhihitasyāpi apratyuccāraṇam ananubhāṣaṇam // (17) Par.?
avijñātaṃ cājñānam // (18) Par.?
uttarasyāpratipattir apratibhā // (19) Par.?
kāryavyāsaṅgāt kathāvicchedo vikṣepaḥ // (20) Par.?
matānujñādinigrahasthānatrikaprakaraṇam
svapakṣe doṣābhyupagamāt parapakṣe doṣaprasaṅgo matānujñā // (21) Par.?
nigrahasthānaprāptasyānigrahaḥ paryanuyojyopekṣaṇam // (22) Par.?
anigrahasthāne nigrahasthānābhiyogo niranuyojyānuyogaḥ // (23) Par.?
kathakānyoktinirūpyanigrahasthānadvayaprakaraṇam
siddhāntam abhyupetyāniyamāt kathāprasaṅgaḥ apasiddhāntaḥ // (24) Par.?
hetvābhāsāśca yathoktāḥ // (25) Par.?
Duration=0.078881978988647 secs.