Texts

Help

Select a text:
Bibliography
Select a chapter:
 (no revisions)
Associated topic(s): Genealogies

Show parallels  Show headlines
Use dependency labeler
Chapter id: 8518
  • Click on a sentence to show its analysis
  • Keep the mouse pointer over a lemma to show its meanings.
parāśara uvāca / (1.1) Par.?
māgadhānāṃ bārhadrathānāṃ bhāvinām anukramaṃ kathayiṣyāmi // (1.2) Par.?
atra hi vaṃśe mahābalaparākramā jarāsaṃdhapradhānā babhūvuḥ // (2.1) Par.?
jarāsaṃdhasya putraḥ sahadevaḥ // (3.1) Par.?
sahadevāt somāpis tasyānuśrutaśravās tasyāpyayutāyus tataśca niramitras tattanayaḥ sunetras tasmād api bṛhatkarmā // (4.1) Par.?
tataś ca senajit tataś ca śrutañjayas tato vipras tasya ca putraḥ śucināmā bhaviṣyati // (5.1) Par.?
tasyāpi kṣemyas tataśca suvrataḥ suvratāddharmas tataḥ suśravāḥ // (6.1) Par.?
tato dṛḍhasenaḥ // (7.1) Par.?
tasmāt subalaḥ // (8.1) Par.?
subalāt sunīto bhavitā // (9.1) Par.?
tataḥ satyajit // (10.1) Par.?
tasmād viśvajit // (11.1) Par.?
tasyāpi ripuñjayaḥ // (12.1) Par.?
ityete bārhadrathā bhūpatayo varṣasahasram ekaṃ bhaviṣyanti // (13.1) Par.?
Duration=0.2836639881134 secs.